A Real Academia Galega de Belas Artes anuncia a provisión de tres vacantes de académicas/os de número: unha na Sección de Escultura, unha na Sección de Arquitectura e unha na Sección de Artes da Imaxe. Así mesmo, anúnciase a provisión de catro prazas de académicas/os correspondentes. A adxudicación destas prazas realizarase entre aquelas persoas que acrediten os seus méritos artísticos, científicos e culturais.

As persoas que polas súas actividades a favor da arte consideren que están en posesión das condicións esixidas para aspirar a estas prazas deberán acreditar os seus méritos presentando o seu respectivo currículo. Ademais, cada unha delas terá que ser proposta por tres académicas/os de número, dentro do prazo de trinta días naturais a partir da publicación deste anuncio.

Domicilio da Real Academia Galega de Belas Artes: praza Pintor Álvarez de Sotomayor, 1, 15001 A Coruña.

Correo electrónico: secretaria@academiagalegabelasartes.gal

A Coruña, 15 de abril de 2026

Manuel Quintana Martelo
Presidente