A Deputación Provincial da Coruña, na sesión plenaria ordinaria que tivo lugar o 26 de xuño de 2026, adoptou o seguinte acordo:
«25. Aprobación da aceptación da delegación de competencias do Concello de Betanzos sobre a inspección do imposto sobre construcións, instalacións e obras e da taxa por licenza de obras ou urbanística.
1. Aceptar a delegación das competencias acordada polo Concello de Betanzos en relación coa seguinte materia:
Inspección do imposto sobre construcións, instalacións e obras e da taxa por licenza de obras ou urbanística e pola realización das actividades administrativas de control nos supostos en que a exixencia de licenza fose substituída pola presentación de declaración responsable ou comunicación previa, e a recadación voluntaria e executiva das liquidacións derivadas das actuacións inspectoras.
2. A delegación entrará en vigor unha vez sexa publicado este acordo no Boletín Oficial da provincia, e o seu exercicio levarase a cabo nos termos establecidos nas bases para a prestación de servizos tributarios aos concellos da provincia, aprobadas para o efecto por esta deputación provincial».
A Coruña, 20 de xullo de 2026
|
O presidente da Deputación Provincial da Coruña |
Paula María Vázquez Carrasco Secretaria xeral en funcións da Deputación Provincial da Coruña |