Convocada pola Resolución do 18 de setembro de 2023 (DOG núm. 185, do 28 de setembro) a provisión dun posto de xefe/a de sección de Cirurxía Pediátrica-Uroloxía Pediátrica e Cirurxía Minimamente Invasiva da Área Sanitaria de Santiago de Compostela e Barbanza, esta xerencia, en virtude das competencias atribuídas polo Decreto 145/2024, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde, a Orde do 22 de abril de 2020 (DOG núm. 82, do 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde, e o Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia,

DISPÓN:

Primeiro. Resolver a convocatoria pública para a provisión dun posto de xefe/a de sección de Cirurxía Pediátrica-Uroloxía Pediátrica e Cirurxía Minimamente Invasiva da Área Sanitaria de Santiago de Compostela e Barbanza, convocada pola Resolución do 18 de setembro de 2023 (DOG núm. 185, do 28 de setembro).

Segundo. Declarar deserta a convocatoria, ao non alcanzar ningún/ha dos/das candidatos/as os 15 puntos na avaliación do proxecto técnico de xestión da unidade, de conformidade co establecido na base sétima da convocatoria.

Terceiro. Contra a presente resolución poderase interpoñer recurso de alzada ante a Dirección Xeral de Recursos Humanos do Servizo Galego de Saúde, no prazo dun mes, contado a partir do día seguinte ao da súa publicación, nos termos expostos nos artigos 121 e 122 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro).

Santiago de Compostela, 22 de xullo de 2026

Ángel Facio Villanueva
Xerente da Área Sanitaria de Santiago de Compostela e Barbanza