De conformidade co disposto nos artigos 44, 45 e 46 da Lei 39/2015, do 1 de outubro, do procedemento administrativo común das administracións públicas, por motivos de interese público que o fan aconsellable dado que o titular rexistral do barco, Plácido Manuel Valdomar Canosa, rexeita a notificación no sistema Notifica.gal, faise pública mediante a publicación no Boletín Oficial del Estado a Orde do 7 de xullo de 2026, da Dirección da entidade pública Portos de Galicia, para que se proceda no prazo máximo de quince (15) días naturais, contados desde a publicación desta cédula, á retirada da embarcación Ganges V con matrícula VILL-5ª-3-3-92, do porto de Fisterra.

Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.

Esta orde emítese en aplicación do previsto no artigo 129.3 da Lei 6/2017, do 12 de decembro, de portos de Galicia, unha vez que o propietario xa incumpriu dúas ordes previas de retirada da embarcación, e vistas as conclusións do informe emitido polo coordinador de Seguridade e Inspección Marítima da Capitanía Marítima da Coruña que faculta Portos de Galicia para que traslade o barco a unha zona máis segura onde poder varalo evitando danos ao ambiente.

No caso de se incumprir esta orde, Portos de Galicia, de acordo coa norma antes citada, procederá a executar de maneira forzosa e por conta do propietario da embarcación, ao cal se lle pasarán os custos correspondentes, as actuacións de remolque do barco e a súa posterior varada, sen que Portos de Galicia asuma ningunha responsabilidade polos danos que poida sufrir a embarcación durante o traslado e varada, nin tampouco no lugar onde quedará depositada a embarcación.

Santiago de Compostela, 22 de xullo de 2026

Juan Sanmartín Ferreiro
Director de Portos de Galicia