O Concello de Outeiro de Rei (Lugo) fai pública unha notificación relativa ao requirimento de limpeza e/ou corta dirixida aos titulares das parcelas que se indican a seguir, logo de resultar infrutuosa, por causas non imputables a esta Administración, a notificación á que se refire o artigo 22.2 da Lei 3/2007, do 9 de abril, de prevención e defensa contra os incendios forestais de Galicia, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas.

As persoas interesadas en coñecer o contido íntegro do acto que se notifica poderán acudir ás oficinas municipais deste concello, das 9.00 ás 15.00 horas, no prazo de quince (15) días naturais contados a partir do seguinte ao da publicación deste anuncio no Boletín Oficial del Estado.

Así mesmo, dispoñen do mesmo prazo para cumprir as obrigas da xestión da biomasa e, de ser o caso, da retirada das especies arbóreas non permitidas.

Unha vez transcorrido este último prazo, continuarán as actuacións, de conformidade co artigo 22.4 da Lei 3/2007, do 9 de abril. O Concello de Outeiro de Rei notifica este acto para os efectos oportunos e sen prexuízo de que as persoas interesadas poidan alegar o que consideren oportuno no prazo de quince días desde o seguinte ao da publicación deste anuncio no Boletín Oficial del Estado.

Nome e apelidos do interesado ou razón social	Nº de expediente	Referencia catastral
Herdeiros de Julio Rodríguez Marzán	658/2026	Polígono 67, parcela 11
José María Rozas Carballido	308/2024	Polígono 102, parcela 194
Descoñecido	892/2026	Polígono 64, parcela 10074
Descoñecido	1029/2025	Polígono 97, parcela 351

Outeiro de Rei, 6 de agosto de 2026

José Pardo Lombao
Alcalde