Primeiro. O 4 de maio de 2026 publicouse no Diario Oficial de Galicia número 81 a Orde do 20 de abril de 2026, da Consellería de Presidencia, Xustiza e Deportes, pola que se establecen as bases reguladoras para a concesión de axudas, en réxime de concorrencia non competitiva, para a adquisición de vehículos adaptados que faciliten a prestación de servizos a persoas dependentes ou a persoas con discapacidade por parte de entidades de iniciativa social da Comunidade Autónoma de Galicia, e se procede á súa convocatoria para o ano 2026 (código de procedemento IF403A).

Segundo. O artigo 1.2 da orde de convocatoria establece que a xestión destas subvencións se realizará polo procedemento de concorrencia non competitiva ata o esgotamento do crédito.

Pola súa parte, o artigo 9.1 das bases reguladoras (anexo I da Orde do 20 de abril de 2026) dispón que a subvención se concederá en actos sucesivos, ata o esgotamento do crédito, a todas aquelas entidades beneficiarias que cumpran cos requisitos.

Terceiro. O artigo 1.3 da orde de convocatoria dispón que para a concesión destas subvencións se destinará un crédito de 500.000,00 € dos orzamentos xerais da Comunidade Autónoma de Galicia para o ano 2026, con cargo á aplicación orzamentaria 05.08.512A.781.0, proxecto 2026/00005.

Cuarto. Unha vez revisadas e ordenadas todas as solicitudes presentadas, e de acordo coa prelación temporal establecida no artigo 2.2 da orde de convocatoria, a última solicitude que se puido conceder sobre a base do establecido nas bases reguladoras, e tendo en conta a data e hora en que se presentou correctamente toda a documentación na sede electrónica da Xunta de Galicia, foi a presentada o día 13 de maio de 2026 ás 9.15 horas, correspondente ao expediente número IF403A-2026-0017.

De conformidade co exposto, e por delegación do conselleiro de Presidencia, Xustiza e Deportes,

RESOLVO:

Ordenar a publicación no Diario Oficial de Galicia do esgotamento do crédito con cargo á aplicación orzamentaria 05.08.512A.781.0 (proxecto 2026/00005), ao abeiro da Orde do 20 de abril de 2026 pola que se establecen as bases reguladoras para a concesión de axudas, en réxime de concorrencia non competitiva, para a adquisición de vehículos adaptados que faciliten a prestación de servizos a persoas dependentes ou a persoas con discapacidade por parte de entidades de iniciativa social da Comunidade Autónoma de Galicia, e se convocan para o exercicio 2026 (código de procedemento IF403A).

Santiago de Compostela, 8 de setembro de 2026

O conselleiro de Presidencia, Xustiza e Deportes
P.D. (Orde do 20.4.2026; DOG núm. 81, do 4 de maio)
Judit Fontela Baró
Directora xeral de Mobilidade