Mediante o Decreto da Alcaldía 2026-0749, do 19 de agosto de 2026, aprobáronse as bases reguladoras e a convocatoria para a provisión en propiedade dunha (1) praza de xefe de obras, encadrada no subgrupo C2, pertencente ao cadro de persoal laboral fixo do Concello de Cervo, mediante o sistema de concurso-oposición, pola quenda de promoción interna.

O texto íntegro das bases foi publicado no Boletín Oficial da provincia de Lugo núm. 194, do 26 de agosto de 2026, e o anuncio da convocatoria no Diario Oficial de Galicia núm. 167, do 3 de setembro de 2026.

Advertido erro material na base 4.2 das citadas bases, mediante a Resolución da Alcaldía 888/2026, do 11 de setembro de 2026, ditada no expediente 1527/2026, acordouse a súa rectificación, que queda redactada nos seguintes termos:

«4.2. O prazo de presentación de solicitudes será de vinte (20) días hábiles, contados a partir do día seguinte ao da publicación do anuncio da convocatoria no Diario Oficial de Galicia (DOG)».

En consecuencia, ábrese un novo prazo de vinte (20) días hábiles para a presentación de solicitudes, que comezará a contar a partir do día seguinte ao da publicación deste anuncio de rectificación no Diario Oficial de Galicia.

As solicitudes de participación presentadas por calquera das persoas aspirantes con anterioridade á publicación desta rectificación serán consideradas plenamente válidas e eficaces, sen prexuízo do dereito das persoas interesadas a presentaren nova instancia ou achegaren documentación complementaria durante o novo prazo habilitado.

O resto das bases reguladoras permanecen inalteradas.

Cervo, 11 de setembro de 2026

María Dolores García Caramés
Alcaldesa