A que subscribe, Ana Isabel Argibay Justo, veciña do lugar de Freixeiro, parroquia de Mourente, concello de Pontevedra, mediante este anuncio convoco a asemblea xeral a todos os usuarios de augas, co fin de constituírse en comunidade de regantes segundo a lexislación de augas vixente e solicitar a correspondente concesión administrativa. A asemblea terá lugar o 9 de outubro de 2026, ás 16.00 horas en primeira convocatoria e ás 16.30 horas en segunda convocatoria, no lavadoiro de Freixeiro, coa seguinte

Orde do día:

1. Formar unha relación nominal de usuarios, para constituírse en comunidade de regantes segundo a lexislación de augas vixente e solicitar a concesión administrativa, así como elixir o nome e domicilio da comunidade.

2. Aprobar as bases ás que, dentro da lexislación vixente, terán que axustarse os proxectos de ordenanzas e regulamentos polos cales se rexerá a comunidade.

3. Designación dos membros que integrarán a Xunta de Goberno, encargada da dirección da comunidade e da redacción das ordenanzas e regulamentos.

4. Rogos e preguntas.

Pontevedra, 31 de agosto de 2026

Ana Isabel Argibay Justo
Representante da Comunidade de Regantes Porta de Ferro