De acordo co disposto na Lei orgánica 2/2023, do 22 de marzo, do sistema universitario (BOE do 23 de marzo); no Decreto 266/2002, do 6 de setembro (DOG do 17 de setembro), da Xunta de Galicia, de contratación do profesorado universitario; no II Convenio colectivo para o persoal docente e investigador das universidades da Coruña, Santiago de Compostela e Vigo; e nos estatutos da Universidade de Vigo, aprobados polo Decreto 13/2019, do 24 de xaneiro (DOG do 22 de febreiro), da Xunta de Galicia, este reitorado, no uso das competencias recoñecidas pola citada Lei orgánica do sistema universitario, resolve anunciar a convocatoria dos seguintes concursos públicos:

Referencia: CS2601FIS.

Categoría: profesorado asociado en ciencias da saúde (Fisioterapia).

Número de prazas: 5.

Referencia: CS2601BIO.

Categoría: profesorado asociado en ciencias da saúde (Biomédica).

Número de prazas: 2.

Referencia: CS2603MED.

Categoría: profesorado asociado en ciencias da saúde (Medicina).

Número de prazas: 3.

A información completa pódese consultar na sede electrónica da Universidade de Vigo (https://sede.uvigo.gal/), así como na páxina electrónica https://secretaria.uvigo.gal/uv/web/convocatoria/public/index, filtrando polo tipo «Concursos de profesorado» e empregando como palabras chave a referencia da categoría. Para outra información e aclaración de dúbidas poden dirixirse ao Servizo de Persoal Docente e Investigador, no teléfono 986 81 37 65 e no enderezo de correo electrónico consultapdi@uvigo.gal

O prazo de presentación de solicitudes é de dez (10) días hábiles contados desde o seguinte ao da publicación deste anuncio no Diario Oficial de Galicia, e débense dirixir á reitora no modelo oficial, obrigatoriamente acompañadas dos documentos acreditativos previstos na convocatoria.

Vigo, 15 de setembro de 2026

María Carmen García Mateo
Reitora da Universidade de Vigo