O 20 de xullo de 2026, o conselleiro de Sanidade ditou o acordo de inicio do expediente sancionador número 20260142VS-PO contra a persoa titular do NIF 33557567S.

Tras intentar a notificación deste acordo de inicio consonte o artigo 40 e seguintes da Lei 39/2015, do 1 de outubro, do procedemento administrativo común das administracións públicas, esta non puido efectuarse, polo que mediante este anuncio notifícaselle á persoa titular do NIF 33557567S o contido do devandito acordo, que figura no anexo, segundo o disposto no artigo 44 da devandita lei, para o seu coñecemento.

Así mesmo, fáiselle saber o dereito que a asiste, ao amparo do que dispón o artigo 76 da Lei 39/2015, do 1 de outubro, do procedemento administrativo común das administracións públicas, a presentar alegacións ante este departamento territorial no prazo de quince días hábiles, contados desde o seguinte ao da publicación deste anuncio, e lémbraselle o seu dereito a consultar o expediente, depositado nas dependencias deste departamento, sito en Pontevedra, no Edificio administrativo da Xunta de Galicia, avenida María Victoria Moreno, número 43, 1º andar, e a obter, se é o caso, unha copia deste, segundo o previsto no artigo 53.1.a) da devandita lei.

Notifícaselle que, de non efectuar alegacións sobre o contido do devandito acordo no citado prazo, o acordo de inicio poderá ser considerado proposta de resolución cando conteña un pronunciamento preciso acerca da responsabilidade imputada, de acordo co artigo 64.2.f) da Lei 39/2015, do 1 de outubro.

E advírteselle de que, antes da resolución do procedemento, ten dereito ás reducións establecidas no artigo 85 da Lei 39/2015, do 1 de outubro.

Este anuncio expídese para que conste e para que lle sirva de notificación á persoa interesada, en cumprimento do disposto no artigo 44 da Lei 39/2015, do 1 de outubro, e faise constar que a eficacia da notificación quedará supeditada á súa publicación no taboleiro de edictos do Boletín Oficial del Estado.

Pontevedra, 24 de setembro de 2026

María Dolores Bazán Arcay
Directora territorial de Pontevedra

ANEXO

Número de expediente: 20260142VS-PO.

NIF da persoa denunciada: 33557567S.

Último enderezo coñecido: descoñecido.

Feito imputado: suposta infracción do previsto no artigo 15 da Lei 8/2008, do 10 de xullo, de saúde de Galicia, modificada pola Lei 3/2026, do 30 de marzo, pola que se establecen medidas de prevención e protección integral contra a violencia no Sistema de saúde de Galicia.

Tipificación: infracción administrativa tipificada como moi grave no artigo 43.ter, letra a), da Lei 8/2008, do 10 de xullo, de saúde de Galicia, modificada pola Lei 3/2026, do 30 de marzo, pola que se establecen medidas de prevención e protección integral contra a violencia no Sistema de saúde de Galicia: «a) A agresión física ás autoridades sanitarias ou aos seus axentes e aos profesionais e ás profesionais aos cales fai referencia o segundo parágrafo do punto 23 do artigo 3, durante o exercicio das súas funcións ou con ocasión delas».

Sanción proposta: tres mil un euros (3.001,00 €).