No Tribunal de Instancia, Sección do Contencioso-Administrativo número 2, de Santiago de Compostela tramítase o recurso 187/2026 (procedemento abreviado), interposto por María del Carmen Vázquez Bertoa fronte á Resolución da Dirección Xeral de Recursos Humanos do Servizo Galego de Saúde, do día 7 de abril de 2026, pola que se desacolle o recurso de reposición interposto o 16 de xaneiro de 2025 contra a Resolución do 11 de decembro de 2024 pola que se fan públicos os acordos dos tribunais cualificadores do proceso selectivo de estabilización, polo sistema de concurso de méritos, para o acceso a diversas categorías de persoal estatutario sanitario titulado de grao medio e persoal sanitario de formación profesional, convocado mediante Resolución do 26 de decembro de 2022, relativos á valoración definitiva de méritos e á publicación das persoas aspirantes seleccionadas (DOG núm. 243, do 18 de decembro) (categoría: técnico/a superior en laboratorio de diagnóstico clínico).

A recorrente non está conforme coa puntuación obtida no apartado de experiencia profesional.

E así se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove (9) días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 23 de setembro de 2026

María del Mar Pousa Cobas
Directora xeral de Recursos Humanos