Antecedentes:

1. O día 18 de agosto de 2026, Diego Santamaría Pérez solicitou a autorización para a transmisión mortis causa da concesión administrativa da batea Cabra.

2. A persoa interesada achegou a documentación requirida para a súa tramitación.

Consideracións legais e técnicas:

1. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG núm. 243, do 16 de decembro), e coa Orde do 21 de febreiro de 2022 sobre delegación de competencias en diversos órganos de dirección da Consellería do Mar e na Presidencia da entidade pública empresarial Portos de Galicia (DOG núm. 41, do 1 de marzo).

2. O expediente seguiu todos os trámites establecidos no procedemento administrativo común, coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG núm. 228, do 21 de novembro), e na Orde do 15 de xuño de 1999 pola que se regula o procedemento para a transmisión da titularidade das concesións dos viveiros de cultivos mariños nas augas de Galicia (DOG núm. 126, do 2 de xullo).

De acordo con todo o indicado,

RESOLVO:

Autorizar a transmisión mortis causa da concesión administrativa do seguinte viveiro:

Tipo: batea.

Nome: Cabra.

Situación:

Cuadrícula núm.: 63.

Polígono: B.

Distrito: Vilagarcía de Arousa (Pontevedra).

Especie autorizada: mexillón (Mytilus galloprovincialis).

Título habilitante: concesión de actividade.

Orde de outorgamento: 25.11.1974.

Remate da vixencia: 15.12.2029.

Actual titular: Juan Santamaría Nogueira (***9535**).

Novo titular: Diego Santamaría Pérez (***8132**).

O novo titular da concesión subrógase nos dereitos e nas obrigas do anterior desde o momento da publicación desta resolución no Diario Oficial de Galicia.

Contra esta resolución, que esgota a vía administrativa, poderase interpoñer un recurso potestativo de reposición no prazo dun mes ante a conselleira do Mar ou un recurso contencioso-administrativo ante a xurisdición contencioso-administrativa no prazo de dous meses, que se contarán en ambos os dous casos desde o día seguinte ao da súa publicación, de conformidade co disposto no artigo 123 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e no artigo 46.1 da Lei 29/1998, do 13 de xullo, reguladora da xurisdición contencioso-administrativa (BOE núm. 167, do 14 de xullo).

Vigo, 4 de setembro de 2026

A conselleira do Mar
P.D. (Orde do 21.2.022; DOG núm. 41, do 1 de marzo)
A directora territorial de Vigo
P.S. (Resolución do 13 de maio de 2024)
Carmen de Benito Caula
Xefa do Servizo de Pesca, Acuicultura e Innovación Tecnolóxica