Esta resolución dítase por delegación, de conformidade co establecido na Orde do 8 de xaneiro de 2020 sobre delegación de competencias na Dirección Xeral da Función Pública, publicada no DOG número 16, do 24 de xaneiro.

Mediante a Resolución do 24 de setembro de 2026, convocáronse para a elección de destino definitivo as persoas aspirantes que superaron os procesos selectivos para o ingreso no corpo de axudantes de carácter facultativo de Administración especial da Administración xeral da Comunidade Autónoma de Galicia, subgrupo C1, escalas técnicas de mantemento de servizos, de recursos naturais e forestais, especialidades de capataz, mecánico naval, patrón de embarcación e guía intérprete de patrimonio natural, de cociña, de condución e de análises de laboratorio; no corpo de auxiliares de carácter técnico, escalas de gardas de recursos naturais, de auxiliar de cociña, de auxiliar de mantemento, de auxiliar de laboratorio, de auxiliar de condución e de auxiliar de recursos naturais e forestais, especialidades de oficial e de mariñeiro vixilante; e na agrupación profesional, escala de persoal de limpeza e recursos naturais e forestais, especialidade de limpeza e cociña, de recursos naturais e forestais e de mantemento. A devandita resolución foi modificada pola Resolución do 1 de outubro de 2026 (DOG núm. 189, do 5 de outubro) e pola Resolución do 5 de outubro de 2026 (DOG núm. 190, do 6 de outubro).

Debido ao volume de participantes e ao elevado número de postos ofertados no acto de elección de destino correspondente á especialidade de AP de limpeza e cociña, considérase necesario modificar a data de remate prevista no punto terceiro da Resolución do 24 de setembro de 2026 (DOG núm. 186, do 30 de setembro), modificado pola Resolución do 1 de outubro de 2026 (DOG núm. 189, do 5 de outubro), exclusivamente para a escala de persoal de limpeza e recursos naturais e forestais, especialidade de limpeza e cociña.

Por todo isto, esta consellería, en exercicio das competencias que lle atribúe a Lei 2/2015, do 29 de abril, do emprego público de Galicia,

DISPÓN:

Primeiro. Ampliar o prazo establecido no punto primeiro da Resolución do 1 de outubro de 2026 no que se refire á data de finalización do prazo para a elección de postos, exclusivamente para a escala de persoal de limpeza e recursos naturais e forestais, especialidade de limpeza e cociña, que rematará o martes 13 de outubro de 2026.

Segundo. Contra esta resolución, que lle pon fin á vía administrativa, poderase presentar un recurso potestativo de reposición perante o conselleiro de Facenda e Administración Pública no prazo dun mes, que se contará desde o día seguinte ao da publicación desta resolución no Diario Oficial de Galicia, ou directamente un recurso contencioso-administrativo no prazo de dous meses, que se contarán desde esa mesma data, perante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 7 de outubro de 2026

O conselleiro de Facenda e Administración Pública
P.D. (Orde do 8 de xaneiro de 2020; DOG núm. 16, do 24 de xaneiro)
Nuria Aguilar Vázquez
Directora xeral de Emprego Público e Administración de Persoal