O Pleno da Corporación, na sesión ordinaria do 28 de setembro de 2026, adoptou, entre outros, o seguinte acordo:

Primeiro. Aprobar definitivamente o Plan especial de infraestruturas e dotacións para implantar un cemiterio municipal en Añobre, no concello de Vila de Cruces, redactado por Estudio Técnico Gallego, S.A. e presentado a través do Rexistro Xeral co número de entrada 2026-E-RE-285 o día 20 de marzo de 2026, de conformidade co informe previo emitido pola directora xeral de Urbanismo o 22 de abril de 2026, de carácter favorable.

Segundo. Publicar a aprobación definitiva no Diario Oficial de Galicia para os efectos do establecido no artigo 82 da Lei 2/2016, do 10 de febreiro, do solo de Galicia. Esta publicación deberá realizarse no prazo dun mes desde a adopción da aprobación definitiva.

Igualmente, xunto á publicación deste acordo publicarase o enderezo electrónico no que figurará o contido íntegro do plan á disposición do público:

https://nextcloud.viladecruces.gal/s/JfkDRKKwfPNQ8LY

Terceiro. Comunicarlle o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de urbanismo para a súa inscrición no Rexistro de Plan Urbanístico de Galicia, para o que se achegará un exemplar en soporte dixital debidamente dilixenciado.

Cuarto. Notificarlles individualmente a aprobación definitiva do plan especial a todas as persoas titulares catastrais dos terreos afectados ás que xa se lles notificou a súa aprobación inicial, de conformidade co artigo 186.4 do Regulamento da Lei 2/2016, do 10 de febreiro, do solo de Galicia, aprobado polo Decreto 143/2016, do 22 de setembro.

Vila de Cruces, 28 de setembro de 2026

Luís Celso Taboada Sánchez
Alcalde