De conformidade co disposto nos artigos 44, 45 e 46 da Lei 39/2015, do 1 de outubro, do procedemento administrativo común das administracións públicas, por non ser posible a notificación ao propietario actual do barco Dahi Ely no domicilio que consta no expediente, notifícase mediante a publicación no Boletín Oficial del Estado, o Acordo do 10 de agosto de 2026 da Presidencia da entidade pública Portos de Galicia que inicia procedemento para a declaración de abandono da embarcación de nome Sievil con matrícula 3ª-VILL-22-91 depositada na rampla de varada do porto de Portosín.

Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.

A embarcación en cuestión foi reflotada polos servizos da Zona Centro de Portos de Galicia tras o seu afundimento, quedando depositada na rampla do porto de Portosín o día 10 de outubro de 2025, manténdose desde esa data no mesmo lugar en estado de completo abandono.

O presente acordo con base no establecido no artigo 128 da Lei 6/2017, do 12 de decembro, de portos de Galicia.

O órgano competente para a resolución deste procedemento é a Presidencia de Portos de Galicia, en virtude das competencias conferidas polo artigo 12.3, alíneas a) e l), da Lei 6/2017, de portos de Galicia.

A instrución do procedemento recae en Jesús Javier Fernández Barro, xefe da División Xurídica de Portos de Galicia, e o seu réxime de recusación será o consignado no artigo 24 da Lei 40/2015, do 1 de outubro, de réxime xurídico do sector público.

Outórgaselle ao interesado antes identificado, así como a calquera outra persoa física ou xurídica que acredite dereitos e/ou intereses sobre a embarcación, un prazo máximo de dez (10) días para formular alegacións.

Advírtese que, de acordo coa normativa citada, chegado o termo de declarar o barco abandonado, este pasará a ser propiedade de Portos de Galicia, o que non impedirá que todos os custos de tramitación ou que xeren as actuacións que se vaian realizar sobre o buque con inclusión do seu transporte a vertedoiro autorizado sexan pola conta do antigo propietario.

Cara ao seu exame, o expediente está nas dependencias dos servizos centrais de Portos de Galicia na Área central, praza de Europa, 5-A, 6º, Santiago de Compostela.

Santiago de Compostela, 5 de outubro de 2026

Natalia Botana Rey
Presidenta de Portos de Galicia