De conformidade co disposto na Lei orgánica 2/2023, do 22 de marzo (BOE do 23 de marzo), do sistema universitario (LOSU), na Lei 39/2015, do 1 de outubro (BOE do 2 de outubro), do procedemento administrativo común das administracións públicas, no Decreto 266/2002, do 6 de setembro (DOG do 17 de setembro), da Xunta de Galicia, sobre contratación de profesorado universitario, nos estatutos da Universidade da Coruña, aprobados polo Decreto 94/2025, do 6 de outubro (DOG do 27 de outubro), da Xunta de Galicia, e na Normativa pola que se regula o procedemento para a selección de persoal docente e investigador, aprobada polo Consello de Goberno na sesión do 7 de novembro de 2024, este reitorado fai público que pola Resolución do 2 de outubro de 2026 convócase un concurso público para a contratación de persoal docente e investigador na seguinte categoría:
– Profesor/a permanente laboral:
• Oferta de emprego público ano 2024: 2 prazas reservadas para a incorporación de persoal investigador do Programa Ramón y Cajal que superase a avaliación do Programa de incentivación da incorporación e intensificación da actividade investigadora (I3) ou que obtivese o certificado como investigador/a establecido/a (R3).
• Oferta de emprego público ano 2025: 5 prazas.
• Oferta de emprego público ano 2026: 25 prazas.
A información completa (bases da convocatoria, modelo de solicitude, etc.) pode consultarse no taboleiro electrónico oficial da UDC e na páxina web da Universidade: http://www.udc.es/pdi/concursos/concursos_contratacion/
O prazo de presentación de solicitudes é de dez días hábiles contados desde o día seguinte ao da publicación deste anuncio no Diario Oficial de Galicia.
A Coruña, 2 de outubro de 2026
O reitor da Universidade da Coruña
P.D. (Resolución reitoral do 28.8.2026)
Luis María Hervella Nieto
Vicerreitor de Profesorado