DOG - Xunta de Galicia -

Diario Oficial de Galicia
DOG Núm. 208 Venres, 30 de outubro de 2026 Páx. 54785

VI. Anuncios

a) Administración autonómica

Consellería de Facenda e Administración Pública

ANUNCIO do 19 de outubro de 2026, da Dirección Xeral de Emprego Público e Administración de Persoal, polo que se lle dá publicidade á declaración comprensiva da situación patrimonial dun alto cargo.

O artigo 49.4 da Lei 1/2016, do 18 de xaneiro, de transparencia e bo goberno, establece a obriga de todos os cargos públicos incluídos no seu ámbito de aplicación, definido no artigo 37, de cubrir unha declaración comprensiva da súa situación patrimonial no modelo que aprobe a persoa titular da consellería competente en materia de función pública.

Esta declaración deberá presentarse no Rexistro de Bens Patrimoniais no prazo dos tres meses seguintes ás datas da toma de posesión e de cesamento, respectivamente, perante a Oficina de Incompatibilidades e Boas Prácticas, para a súa publicación no Diario Oficial de Galicia.

Pola Orde do 3 de marzo de 2016, do titular da consellería competente en materia de función pública, aprobáronse os modelos oficiais de declaracións que deben formular os altos cargos incluídos no ámbito de aplicación da Lei 1/2016, do 18 de xaneiro, de transparencia e bo goberno (DOG núm. 44, do 4 de marzo).

Segundo o Decreto 52/2026, do 1 de xuño, Pablo Fernández López, que cesou no cargo de secretario xeral de Emprego e Relacións Laborais e, polo Decreto 55/2026, do 1 de xuño (DOG núm. 101, do 2 de xuño), foi nomeado e tomou posesión do cargo de delegado territorial da Xunta de Galicia en Pontevedra, presentou o anexo IV, Contido da declaración de bens patrimoniais para a súa publicación no Diario Oficial de Galicia, no Rexistro de Bens Patrimoniais de Altos Cargos.

Procede, en consecuencia, darlle publicidade ao contido do anexo presentado para tal efecto, comprensivo da situación patrimonial que declara no momento do seu nomeamento e que se publica como anexo a este anuncio.

Tal e como consta no referido modelo do anexo IV:

1. Non se inclúen os seguros de vida.

2. No suposto de bens indivisos, indícase o valor que corresponde segundo a porcentaxe de participación do declarante no ben ou dereito patrimonial.

Santiago de Compostela, 19 de outubro de 2026

Nuria Aguilar Vázquez
Directora xeral de Emprego Público e Administración de Persoal

ANEXO

Titular do cargo: Pablo Fernández López.

Cargo público orixe da declaración: delegado territorial da Xunta de Galicia en Pontevedra.

Motivo: cesamento e toma de posesión.

I. Activo:

1. Bens inmobles (segundo o valor catastral): 78.339,63 €.

2. Valor total doutros bens: 8.379,57 €.

3. Total: 86.719,20 €.

II. Pasivo (créditos, préstamos, débedas, etc.): 124.956,78 €.