A Xunta de Goberno Local do Concello de Vigo, na súa sesión ordinaria do día 21 de novembro de 2025, acordou aprobar o proxecto de texto inicial, que figura anexo á súa certificación, co seguinte título: Proposta de convenio urbanístico de execución de planeamento, zona 4, praza de España, sobre as parcelas sitas na praza de España, entre a rúa Puerto Rico (norte) e a rúa avenida de Madrid (sur e oeste), a subscribir entre a Xerencia municipal de Urbanismo do Concello de Vigo e a mercantil Inversiones Inmobiliarias Canvives, S.A.U., e Francisco, Manuel, e Augusto Rodríguez Criado.
O dito convenio asinouse, nas dependencias municipais da Xerencia municipal de Urbanismo do Concello de Vigo, con data do 22 de xaneiro de 2026.
A concelleira delegada da Área de Goberno de Urbanismo e Vivenda do Concello de Vigo, mediante Resolución do 2 de outubro de 2026, acordou a corrección do Asunto/título do Convenio zona 4, praza de España, coas especificacións que a seguir se relacionan,
«Onde di:
«(...) Zona 4. Proposta de convenio urbanístico para a execución do planeamento sobre as parcelas sitas en praza de España, entre a rúa Pizarro (norte), a rúa Puerto Rico (sur) e a rúa Honduras (leste).
Debe dicir:
«(...) Proposta de convenio de execución de planeamento, zona 4, praza de España, sobre as parcelas sitas en praza de España, entre a rúa Puerto Rico (norte) e a avenida de Madrid (sur e oeste)».
Ratifícase na súa integridade o resto das estipulacións/compromisos do texto do Convenio de execución de planeamento subscrito entre a Xerencia Municipal de Urbanismo do Concello de Vigo e a mercantil Inversiones Inmobiliarias Canvives, S.A.U, e Francisco, Manuel, e Augusto Rodríguez Criado.
De conformidade co disposto no artigo 401.2 do Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia, unha vez negociados e subscritos, os convenios someteranse ao trámite de información pública, mediante anuncio publicado no Diario Oficial de Galicia e nun dos xornais de maior difusión da provincia, por un período mínimo dun (1) mes (artigo 168.1 da LSG).
Na seguinte ligazón poderá consultarse o convenio asinado con data do 22 de xaneiro de 2026, xunto coa certificación do acordo íntegro adoptado pola Xunta de Goberno Local do 21 de novembro de 2025 e a resolución da concelleira delegada da Área de Goberno de Urbanismo e Vivenda do Concello de Vigo, do 2 de outubro de 2026:
https://hoxe.vigo.org/movemonos/urb_plan_convenios.php?lang=gal
Vigo, 5 de outubro de 2026
O presidente da Xerencia Municipal de Urbanismo de Vigo
P.D. (Resolución do 4.7.2023)
María José Caride Estévez
Concelleira delegada da Área de Goberno de Urbanismo e Vivenda