Mediante a Resolución do 12 de xaneiro de 2024 (DOG núm. 17, do 24 de xaneiro), da Xerencia da Área Sanitaria de Ourense, Verín e O Barco de Valdeorras, convocouse para a súa provisión, polo procedemento de avaliación colexiada, un posto vacante de xefe/a de Servizo de Endocrinoloxía e Nutrición da citada área sanitaria.
De acordo coa base sexta da convocatoria, abriuse un prazo de 15 días hábiles, do 25 de xaneiro ao 14 de febreiro de 2024, para a presentación de solicitudes de participación, concorrendo un único aspirante. Con data do 5 de agosto de 2026, o único aspirante presentado perdeu a condición de persoal estatutario fixo, polo que non reúne na actualidade unha das condicións exixidas para participar na convocatoria.
Esta xerencia, de conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde; e na Orde do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde; en virtude das competencias atribuídas polo Decreto 145/2024, do 20 de maio (DOG núm. 101, do 27 de maio), polo que se establece a estrutura orgánica do Servizo Galego de Saúde; pola Orde do 22 de abril de 2020 (DOG núm. 82, do 29 de abril), sobre delegación de competencias en órganos centrais e periféricos da Consellería de Sanidade e do Servizo Galego de Saúde e na Axencia Galega para a Xestión do Coñecemento en Saúde; e no Decreto 134/2019, do 10 de outubro (DOG núm. 204, do 25 de outubro), polo que se regulan as áreas sanitarias e os distritos sanitarios do Sistema público de saúde de Galicia,
RESOLVE:
Primeiro. Declarar deserta, por non concorrer aspirantes que reúnan os requisitos exixidos, a convocatoria para cubrir, polo procedemento de avaliación colexiada, o posto vacante de xefe/a de Servizo de Endocrinoloxía e Nutrición da Área Sanitaria de Ourense, Verín e O Barco de Valdeorras.
Segundo. Contra esta resolución poderase interpoñer, nos termos previstos na Lei 39/2015, do 1 de outubro, do procedemento administrativo común das administracións públicas, recurso de alzada ante a Dirección Xeral de Recursos Humanos do Servizo Galego de Saúde, no prazo dun mes contado desde o día seguinte ao da súa publicación.
Ourense, 4 de novembro de 2026
José Santiago Camba Bouzas
Xerente da Área Sanitaria de Ourense,
Verín e O Barco de Valdeorras
