-
-
Compartir
-
Que é?
É a unidade da Xunta de Galicia que presta atención e asesoramento á cidadanía para a presentación de documentación, información xeral da Xunta de Galicia e as demais funcións que se describen no apartado seguinte.
Que servizos ofrece?
- A recepción e dixitalización das solicitudes, escritos e comunicacións que se acheguen de forma presencial dirixidos a calquera Administración pública, coa entrega do documento xustificativo da súa presentación.
- A información xeral da Xunta de Galicia (Diario Oficial de Galicia, estrutura orgánica, convocatoria de bolsas, axudas, subvencións... que estén vixentes no momento da consulta).
- A emisión de copias auténticas de documentos públicos administrativos ou privados que vaian ter unicamente efectos administrativos.
- O Rexistro de apoderamentos que permitirá aos particulares inscribir a persoa ou persoas que a representen na súa relación coas Administracións públicas (pendente de implantación en todo o Estado).
- A asistencia á cidadanía na utilización dos medios electrónicos nas súas relacións coa Administración.
- A asistencia á cidadanía para a presentación de solicitudes de iniciación de procedementos administrativos que se xestionen na Xunta de Galicia.
- A notificación por comparecencia aos particulares que o soliciten relativa a asuntos relacionados coa Administración autonómica.
- A expedición da Chave365.
- A emisión do certificado electrónico da Fábrica Nacional de la Moneda y Timbre (FNMT).
Quen pode acceder aos seus servizos?
Calquera persoa que precise realizar algunha actividade relacionada coas funcións que se sinalan no apartado anterior, agás para a presentación de documentos para a entrada polo rexistro a aquelas persoas obrigadas a relacionarse electronicamente coa Administración (persoas xurídicas, entidades sen personalidade xurídica e quen exerza unha actividade profesional para a que se requira colexiación obrigatoria).
Para a presentación de documentación é necesario o Documento Nacional de Identidade ou documento identificador equivalente.
Como se pode acceder a estes servizos?
Persoalmente:
- Oficinas dos edificios administrativos (Vicepresidencia e Consellería de Presidencia, Administracións Públicas e Xustiza). Horario de atención ao público: das 9.00 ás 19.00 horas en xornadas de luns a venres, e das 9.00 ás 14.00 horas os sábados e os días 24 e 31 de decembro cando sexan laborais. Horario de verán: desde o 16 de xuño ata o 15 de setembro (ambos inclusive), de 9.00 a 14.00 horas, de luns a venres e os sábados de xuño e setembro. Os sábados de xullo e agosto estas oficinas permanecerán pechadas.
- Outras oficinas principais. Horario de atención ao público: das 9.00 ás 14.00 horas en xornada de luns a venres.
Atención telefónica:
- Lei 39/2015, do 1 de outubro, do procedemento administrativo común das administracións públicas
- Decreto 191/2011, do 22 de setembro, de organización e funcionamento dos rexistros da Administración xeral e das entidades públicas instrumentais da Comunidade Autónoma de Galicia
- Decreto 129/2016, do 15 de setembro, polo que se regula a atención á cidadanía no sector público autonómico de Galicia
- Convenio marco entre a Administración xeral do Estado e a Comunidade autónoma de Galicia para a implantación dunha rede de oficinas integradas de atención ao cidadán no ámbito territorial de Galicia
- Convenio de colaboración entre a Xunta de Galicia e a Fegamp para o desenvolvemento da administración electrónica na Comunidade autónoma de Galicia
- Resolución do 12 de novembro de 2013, da Dirección Xeral de Avaliación e Reforma Administrativa, pola que se dá publicidade á adhesión de diversas entidades locais ao convenio marco asinado entre a Administración xeral do Estado e a Comunidade Autónoma de Galicia para a implantación dunha rede de oficinas integradas de atención ao cidadán no ámbito territorial de Galicia
- Instrución 1/2017, do 2 de outubro, sobre o horario de compulsa no Rexistro Xeral e nos rexistros dos Edificios Administrativos da Xunta de Galicia