A aprobación da modificación da relación de postos de traballo dos órganos superiores dependentes da Presidencia da Xunta de Galicia xustifícase polas súas propias necesidades organizativas e funcionais.
En consecuencia, por proposta da Presidencia da Xunta de Galicia, consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día 12 de abril de 2012, adoptou o seguinte
ACORDO:
Primeiro. Apróbase a modificación da relación de postos de traballo dos órganos superiores dependentes da Presidencia da Xunta de Galicia, nos termos que se sinalan no anexo a este acordo.
Segundo. Ordénase a publicación desta no Diario Oficial de Galicia para os efectos da súa entrada en vigor a partir do día seguinte ao da súa publicación.
Terceiro. Indícanse qué postos de traballo constitúen unha excepción ao disposto no artigo 30 do Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, modificado pola Lei 15/2010, do 28 de decembro, de medidas fiscais e administrativas, podéndose cubrir polo sistema de libre designación con convocatoria pública o seguinte posto:
|
Código |
Denominación |
Motivación |
|
PR.101.00.001.15770.011 |
Porteiro/a maior |
Posto situado na residencia oficial do presidente, que leva consigo especial responsabilidade en canto ao coñecemento directo das actividades do presidente. |
Visto o acordo adoptado polo Consello da Xunta de Galicia na súa reunión do 12 de abril de 2012, relativo á aprobación da modificación da relación de postos de traballo dos órganos superiores dependentes da Presidencia da Xunta de Galicia, coa finalidade de cumprir o dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 13 de abril de 2012.
Elena Muñoz Fonteriz
Conselleira de Facenda
