Taller Mecánico Paludi, C.B. solicitou desta alcaldía licenza municipal para a instalación de taller de reparación de vehículos na rúa dos Artesáns, número 68.
En cumprimento do disposto no punto 3 do artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días, co fin de que durante este -que empezará a contarse desde o día seguinte ao da publicación do presente edicto-, poidan examinar o expediente, no Servizo de Licenzas, as persoas que dalgún xeito se consideren afectadas pola actividade que se pretende instalar e formular por escrito as reclamacións ou observacións que se xulguen oportunas.
Lugo, 6 de febreiro de 2013
Luis Manuel Álvarez Martínez
Tenente de alcalde delegado da Área de Urbanismo