O artigo 11 da Lei 4/2006, do 30 de xuño, de transparencia e boas prácticas na Administración pública galega, impón a cada Consellería da Xunta de Galicia a obriga de publicar, no Diario Oficial de Galicia, unha relación dos convenios de colaboración subscritos no primeiro cuadrimestre do ano 2013.
En consecuencia, e para darlle cumprimento a esa obriga,
DISPOÑO:
Artigo único. Darlle publicidade á relación dos convenios subscritos polo Instituto Galego da Vivenda e Solo nos meses de xaneiro, febreiro, marzo e abril do ano 2013, que se incorpora como anexo a esta resolución.
Santiago de Compostela, 15 de maio de 2013
Teresa María Gutiérrez López
Directora xeral do Instituto Galego da Vivenda e Solo
ANEXO
Convenios de colaboración subscritos polo Instituto Galego da Vivenda e Solo
nos meses de xaneiro, febreiro, marzo e abril do ano 2013
Convenio |
Importe achegado |
Data sinatura |
Convenio de colaboración entre o Instituto Galego da Vivenda e Solo e Vego Supermercados, S.A.U. (entidade pertencente ao grupo empresarial Vegalsa-Eroski) para a participación no programa de realoxo dirixido aos colectivos afectados por execucións hipotecarias. |
Sen contía económica |
14.3.2013 |