DOG 232 do 5/12/2016 - RESOLUCIÓN do 22 de novembro de 2016, da Dirección Xeral de Maiores e Persoas con Discapacidade, pola que se procede á publicación das subvencións concedidas en virtude da Orde do 20 de xuño de 2016 pola que se establecen as bases reguladoras que rexerán as subvencións destinadas a confederacións, federacións e entidades de iniciativa social, non asociadas nin federadas, sen ánimo de lucro, para o desenvolvemento de proxectos de asesoramento e formación de persoas con discapacidade na Comunidade Autónoma de Galicia, cofinanciadas polo Fondo Social Europeo no marco do programa operativo FSE Galicia 2014-2020, e se procede á súa convocatoria para os anos 2016 e 2017.

III. Outras disposicións

Consellería de Política Social

RESOLUCIÓN do 22 de novembro de 2016, da Dirección Xeral de Maiores e Persoas con Discapacidade, pola que se procede á publicación das subvencións concedidas en virtude da Orde do 20 de xuño de 2016 pola que se establecen as bases reguladoras que rexerán as subvencións destinadas a confederacións, federacións e entidades de iniciativa social, non asociadas nin federadas, sen ánimo de lucro, para o desenvolvemento de proxectos de asesoramento e formación de persoas con discapacidade na Comunidade Autónoma de Galicia, cofinanciadas polo Fondo Social Europeo no marco do programa operativo FSE Galicia 2014-2020, e se procede á súa convocatoria para os anos 2016 e 2017.

De conformidade co disposto no artigo 15.1 da Lei 9/2007, do 13 de xuño, de subvencións de Galicia, e tendo en conta o disposto no artigo 17.1 da Lei 1/2016, do 18 de xaneiro, de transparencia e bo goberno, os órganos administrativos concedentes publicarán no Diario Oficial de Galicia as subvencións concedidas con expresión da convocatoria, o programa, o beneficiario, a cantidade concedida e a finalidade ou finalidades da subvención.

Así, de conformidade coa normativa indicada, se procede á seguinte publicación:

Convocatoria: Orde do 20 de xuño de 2016 pola que se establecen as bases reguladoras que rexerán as subvencións destinadas a confederacións, federacións e entidades de iniciativa social, non asociadas nin federadas, sen ánimo de lucro, para o desenvolvemento de proxectos de asesoramento e formación de persoas con discapacidade na Comunidade Autónoma de Galicia, cofinanciadas polo Fondo Social Europeo no marco do programa operativo FSE Galicia 2014-2020, e se procede á súa convocatoria para os anos 2016 e 2017.

Programa: 312E.

Crédito orzamentario: 12.04.312E.481.1.

Código proxecto 2016 00171, por importe de trescentos noventa e seis mil douscentos dez euros con cincuenta e catro céntimos (396.210,54 €).

Finalidade: contribuír á mellora da empregabilidade mediante a adquisición de habilidades e capacidades prelaborais das persoas con discapacidade en idades comprendidas, preferentemente, entre os 21 e os 35 anos e cun nivel de discapacidade de entre o 33 e o 80 %, residentes na Comunidade Autónoma de Galicia, mediante o desenvolvemento de accións formativas.

Entidades beneficiarias e contía: as entidades beneficiarias e o importe concedido relaciónanse no anexo á resolución.

Santiago de Compostela, 22 de novembro de 2016

Coro Piñeiro Vázquez
Directora xeral de Maiores e Persoas con Discapacidade

ANEXO

Número do proxecto	Denominación do proxecto	CIF/NIF entidade	Nome entidade	Sub. aprobada
2016/01.01	Formación e preparación de oposicións autonómicas e estatais para persoas con síndrome de Down e/ou discapacidade intelectual	G15665144	Federación Down	59.900,88 €
2016/02.01	Mellora da capacitación sociolaboral das PCDID de Galicia	G36620037	Fademga	56.688,24 €
2016/03.01	Habilidades prelaborais para a inclusión sociolaboral de persoas con discapacidade por mor de enfermidade mental	G15545353.	Feafes	60.000,00 €
2016/04.01	Formación prelaboral en Lugo	G32115941	Cogami 1	45.667,11 €
2016/04.02	Formación prelaboral en Pontevedra	G32115941	Cogami 2	60.000,00 €
2016/04.03	Formación prelaboral na Coruña	G32115941	Cogami 3	10.168,80 €
2016/05.01	Itinerarios personalizados para persoas con necesidades de apoio similares para a adquisición de formación prelaboral e habilidades na vida cotiá	G15549306	Federación Autismo	19.986,96 €
2016/06.01	Adquisición de habilidades para a vida autónoma e mellora da empregabilidade	G15068091	Federación FAXPG	20.937,13 €
2016/07.01	Programa de formación prelaboral na discapacidade auditiva	G15048762	Acopros	19.363,08 €
2016/08.01	Inserción sociolaboral para persoas con diversidade funcional da comarca da Limia	G32302671	Entidade Limisi	33.968,00 €
2016/09.01	Programa de formación prelaboral na discapacidade auditiva	Q2866001G	Cruz Roja Española	9.530,34 €