O 21 de novembro de 2016, a xefa territorial da Consellería de Sanidade en Pontevedra ditou o acordo de inicio do expediente sancionador número 2016385AL-PO, incoado a Compañía de Protección y Vigilancia Galaica, S.A.
Intentada a notificación deste acordo segundo o disposto no artigo 44 da Lei 39/2015, do 1 de outubro, do procedemento administrativo común das administracións públicas, e non sendo posible a súa práctica, por medio desta cédula notifícaselle á Compañía de Protección y Vigilancia Galaica, S.A. o contido do referido acordo que figura como anexo, para que poida ter coñecemento del.
Así mesmo, fáiselle saber o dereito que a asiste, ao abeiro do disposto no artigo 76 da Lei 39/2015, para presentar alegacións ante esta xefatura territorial no prazo de quince (15) días hábiles, contados desde o seguinte ao da publicación desta cédula, lembrándolle o seu dereito a consultar o expediente, depositado nas dependencias desta xefatura, sita en Pontevedra, avenida Fernández Ladreda, núm. 43, 1º e obter, se é o caso, copia del, segundo o previsto no artigo 53.1.a) da Lei 39/2015, do 1 de outubro.
Notifícaselle tamén que, de non efectuar alegacións sobre o contido do dito acordo no citado prazo, a iniciación poderá ser considerada proposta de resolución cando conteña un pronunciamento preciso acerca da responsabilidade imputada, cos efectos previstos no artigo 64.2.f) da Lei 39/2015.
Esta cédula expídese para que conste e lle sirva de notificación á interesada, en cumprimento do disposto no artigo 44 da Lei 39/2015, do 1 de outubro.
A eficacia desta notificación quedará supeditada á súa publicación no taboleiro de edictos único do Boletín Oficial del Estado (BOE).
Pontevedra, 21 de decembro de 2016
A xefa territorial de Pontevedra
P.A. (Decreto 33/2014, do 6 de marzo; DOG núm. 53)
Rosa Agrasar Muíños
Xefa do Servizo de Xestión de Pontevedra
ANEXO
Número do expediente: 2016385AL-PO.
Denunciada: Compañía de Protección y Vigilancia Galaica, S.A, con CIF A15922198.
Último enderezo coñecido: rúa Teófilo Llorente, nº 63, Vigo.
Feito imputado: supostas infraccións en materia de seguridade alimentaria.
Preceptos infrinxidos:
– Artigo 26 da Lei 14/1986, do 25 de abril, xeral de sanidade.
– Artigo 4 da Lei 17/2011, do 5 de xullo, de seguridade alimentaria e nutrición.
– Artigo 56 da Lei 39/2015, do 1 de outubro, do procedemento administrativo común das administracións públicas.
– Artigos 9 e 10 do Real decreto 1801/2003, do 26 de decembro, sobre seguridade xeral dos produtos.
– Artigo 14 e 17 do Regulamento (CE) 178/2002, polo que se establecen os principios e os requirimentos xerais da lexislación alimentaria, se crea a Autoridade Europea de Seguridade Alimentaria e se fixan procedementos relativos á seguridade alimentaria.
– Artigos 4 e 6.1, do Decreto 204/2012, polo que se crea o Rexistro Galego Sanitario de Empresas e Establecementos Alimentarios.
– Artigo 51 punto 2 da Lei 17/2011, do 5 de xullo, de seguridade alimentaria e nutrición.
– Regulamento (CE) 852/2004, do 29 de abril, relativo á hixiene dos produtos alimenticios: artigos 3 e 4 e o capítulo I puntos 1, 2, 4, 5, e 9; capítulo II punto 1 a), b), c), e) e f), e 3; capítulo V punto 1; capítulo VI puntos 1 e 2 e capítulo IX puntos 2, 3, e 5 do anexo II.
– Artigos 4.2 e 6.5 do Real decreto 126/2015, do 27 de febreiro, polo que se aproba a norma xeral relativa á información alimentaria dos alimentos que se presenten sen envasar para a venda ao consumidor final e as colectividades, dos envasados nos lugares de venda a petición do comprador, e dos envasados polos titulares do comercio polo miúdo.
Tipificación: impútanselle catro infraccións graves, segundo o artigo 51 punto 2, parágrafos 2, 12 e 18 da Lei 17/2011, do 5 de xullo, de seguridade alimentaria e nutrición.
Sanción proposta: vinte mil catro euros (20.004,00 €).
Tamén se confirman a medida cautelar acordada o 9.11.2016, de suspensión temporal da actividade que se realiza no establecemento La Barraca situado na rúa Teófilo Llorente, nº 63 de Vigo (SC 41/16).