O Estatuto de autonomía de Galicia, no seu artigo 27.23, asígnalle á Comunidade Autónoma a competencia exclusiva en materia de asistencia social. Así mesmo, no artigo 33.2 establécese que lle corresponde o desenvolvemento lexislativo e a execución da lexislación básica do Estado en materia de seguridade social.
Mediante o Real decreto 258/1985, do 23 de xaneiro, sobre traspaso á Comunidade Autónoma de Galicia de funcións e servizos do Instituto Nacional de Servizos Sociais (Inserso) da Seguridade Social, traspásanse á Comunidade Autónoma de Galicia as citadas funcións e servizos.
O Real decreto 1971/1999, do 23 de decembro, de procedemento para o recoñecemento, declaración e cualificación do grao de discapacidade, establece a competencia das comunidades autónomas con funcións transferidas na materia para o recoñecemento do grao de discapacidade, así como para a determinación da necesidade de axuda de terceira persoa e da dificultade para utilizar transportes públicos colectivos, para os efectos das prestacións, servizos ou beneficios públicos establecidos, e publicouse no ámbito autonómico o 23 de xaneiro de 2001 a Orde do 29 de decembro de 2000 pola que se regula o procedemento para o recoñecemento, declaración e cualificación do grao de discapacidade.
O 11 de decembro de 2015 publícase a Orde do 25 de novembro de 2015 pola que se regula o procedemento para o recoñecemento, declaración e cualificación do grao de discapacidade, e a organización e funcionamento dos órganos técnicos competentes. Esta norma ten por obxecto adaptarse aos últimos cambios normativos, garantir a máxima axilidade e eficacia nos procedementos de recoñecemento do grao de discapacidade, a coordinación efectiva das unidades dependentes da Xunta de Galicia, especialmente no referente á coordinación necesaria co procedemento para o recoñecemento do grao de dependencia, así como a implementación dos medios técnicos actuais de cara á implantación de escenarios de tramitación electrónica, co obxectivo de consolidar os dereitos das persoas con discapacidade.
Na data do 2 de agosto de 2016 publícase a Resolución do 22 de xullo pola que se ordena a publicación do Acordo do Consello da Xunta de Galicia do 21 de xullo de 2016 polo que se aproba a relación de postos de traballo da Consellería de Política Social. Nesta prevense, entre outros, postos de reforzo nas seccións de cualificación e valoración da discapacidade de Ferrol e Santiago de Compostela, pertencentes á Xefatura Territorial da Consellería de Política Social da Coruña, co obxectivo de seguir avanzando en garantir a máxima axilidade e eficacia nos procedementos de recoñecemento do grao de discapacidade, así como posibilitar a maior proximidade das unidades administrativas á cidadanía. Neste sentido, cómpre modificar as áreas xeográficas de atención das seccións da Xefatura Territorial da Consellería de Política Social da Coruña, que se prevén no segundo punto do anexo V da Orde do 25 de novembro de 2015, redistribuíndo os concellos de cada área na provincia da Coruña co obxectivo de referencialos á sección de cualificación e valoración da discapacidade máis próxima en atención á súa capacidade de xestión coa nova relación de postos de traballo.
En consecuencia, en uso das facultades que teño atribuídas pola Lei 1/1983, do 22 de febreiro, de normas reguladoras da Xunta e da súa Presidencia; polo Real decreto 1971/1999, do 23 de decembro, de procedemento para o recoñecemento, declaración e cualificación do grao de discapacidade, e polo Decreto 176/2015, do 3 de decembro, polo que se establece a estrutura orgánica da Consellería de Política Social,
RESOLVO:
Artigo único. Modificación da Orde do 25 de novembro de 2015 pola que se regula o procedemento para o recoñecemento, declaración e cualificación do grao de discapacidade, e a organización e funcionamento dos órganos técnicos competentes
No anexo V da Orde do 25 de novembro de 2015, a epígrafe das áreas xeográficas de atención das seccións de cualificación e valoración de discapacidade da provincia da Coruña queda redactada como segue:
«Unidades adminitrativas competentes para a tramitación das solicitudes segundo as áreas de influencia:
Áreas xeográficas de atención das seccións de cualificación e valoración de discapacidades.
Provincia da Coruña
Sección de cualificación e valoración de discapacidades: A Coruña.
Enderezo: Edificio Administrativo, ala sur de Monelos, praza Luís Seoane, s/n, 15008 A Coruña.
Área xeográfica de atención:
Concellos:
|
Abegondo |
Cerceda |
Laracha (A) |
Pino (O) |
|
Aranga |
Cesuras |
Malpica de Bergantiños |
Ponteceso |
|
Arteixo |
Coirós |
Mazaricos |
Sada |
|
Arzúa |
Corcubión |
Melide |
Santa Comba |
|
Bergondo |
Coristanco |
Mesía |
Santiso |
|
Boimorto |
Coruña (A) |
Muros |
Sobrado |
|
Cabana de Bergantiños |
Culleredo |
Muxía |
Toques |
|
Camariñas |
Curtis |
Negreira |
Tordoia |
|
Cambre |
Dumbría |
Oleiros |
Touro |
|
Carballo |
Fisterra |
Ordes |
Trazo |
|
Carnota |
Frades |
Oroso |
Val do Dubra |
|
Carral |
Irixoa |
Outes |
Vilasantar |
|
Cee |
Laxe |
Oza dos Ríos |
Vimianzo |
|
|
|
|
Zas |
Oficina Integrada de Dependencia e Discapacidade: Ferrol.
Enderezo: Edificio Administrativo, praza Camilo José Cela, s/n, 3º andar, 15403 Ferrol.
Área xeográfica de atención:
Concellos:
|
Ares |
Ferrol |
Ortigueira |
|
Betanzos |
Mañón |
Paderne |
|
Cabanas |
Miño |
Pontedeume |
|
Capela (A) |
Moeche |
Pontes de García Rodríguez (As) |
|
Cariño |
Monfero |
San Sadurniño |
|
Cedeira |
Mugardos |
Somozas (As) |
|
Cerdido |
Narón |
Valdoviño |
|
Fene |
Neda |
Vilarmaior |
Oficina Integrada de Dependencia e Discapacidade: Santiago de Compostela.
Enderezo: praza de Europa, 10 A, 2º andar, Área Central, 15707 Santiago de Compostela.
Área xeográfica de atención:
Concellos:
|
Ames |
Lousame |
Ribeira |
|
|
Baña (A) |
Noia |
Rois |
|
|
Boiro |
Padrón |
Santiago de Compostela |
|
|
Boqueixón |
Pobra do Caramiñal (A) |
Teo |
|
|
Brión |
Porto do Son |
Vedra |
|
|
Dodro |
Rianxo |
». |
Disposición transitoria única. Procedementos iniciados
Os procedementos para o recoñecemento do grao de discapacidade iniciados con anterioridade á entrada en vigor desta orde, mantendo a súa validez os trámites xa realizados conforme a normativa anterior, terán como referencia a área xeográfica asignada inicialmente. Unha vez finalizado o procedemento, a través da oportuna resolución administrativa, serán asignados á nova área xeográfica que lles corresponda segundo o disposto nesta orde.
Disposición derradeira primeira. Habilitación competencial
Autorízase a persoa titular da dirección xeral con competencias en materia de discapacidade da Consellería de Política Social para ditar as disposicións que sexan necesarias para o desenvolvemento e aplicación desta orde.
Disposición derradeira segunda. Entrada en vigor
Esta orde entrará en vigor aos vinte días da súa publicación no Diario Oficial de Galicia.
Santiago de Compostela, 3 de abril de 2017
José Manuel Rey Varela
Conselleiro de Política Social
