Aprobado inicialmente polo Concello Pleno, con data do 28 de febreiro de 1994, o estudio de detalle da rúa Heraclio Botana 2 (2837/411), presentado por María Luz Fraga e fillo, e redactado por Juan Carlos Fernández Ameal e Javier Corredoiro Isasi, visado polo COAG con data de 4 de xaneiro de 1994; sométese a información pública polo prazo de quince días hábiles con anuncios no Diario Oficial de Galicia, Boletín Oficial da provincia, Faro de Vigo e taboleiro de anuncios da Casa do Concello, así como notificación persoal ós propietarios e restantes interesados directamente afectados.

Así mesmo, o devandito acordo sinala como área afectada pola suspensión de licencias de parcelación, edificación e demolición a abranguida polo seu ámbito, cos límites seguintes:

Norte e oeste: edificio de Rosalía de Castro, 84, c.v. a Heraclio Botana

Sur: predio de García Barbón, 61.

Leste: rúa Heraclio Botana

O prazo entenderase aberto desde a primeira publicación ata o remate dos quince días, contados desde o día seguinte ó do derradeiro anuncio.

O que se fai público para xeral coñecemento, significando que a documentación se atopa na Oficina Municipal de Información para exame e alegacións.

Vigo, 11 de xaneiro de 1995.

Carlos A. González Príncipe

Alcalde