De conformidade co disposto no artigo 59.4 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ás persoas que no anexo se mencionan, as resolucións dos ditos expedientes, por infracción á Lei 1/1970, do 4 de abril, sobre a caza.

1.-Contra a dita resolución e de conformidade co disposto nos artigos 107.1 e 114 ó 117 da Lei 30/1992, de réxime xurídico das administracións públicas e do procedemento administrativo común, e no prazo de un mes contado a partir do día seguinte ó desta publicación, poderá interpoñer recurso ordinario ante o conselleiro de Agricultura, Gandería e Montes. Transcorrido o prazo de interposición do recurso sen que este fora presentado, esta resolución será firme para tódolos efectos.

2.-O importe da sanción así como o da indemnización, farase efectivo, dentro do prazo de quince días contados desde o momento en que a resolución sexa firme, na conta número 120.596, do Banco Pastor (0072), oficina principal (0401). De non facelo dentro do prazo sinalado procederase ó seu cobro pola vía de constrinximento.

3.-O rescate do comisado, no caso de que se trate de utensilios de uso lícito, poderá obterse logo do pagamento da contía total da sanción e indemnización dentro do prazo establecido no parágrafo anterior.

Pontevedra, 14 de febreiro de 1995.

Manuel Abeledo López

Delegado provincial de Pontevedra

ANEXO

Expediente: C-122/93.

Denunciado: Jesús Fernández Fortes.

Último domicilo coñecido: Casas Novas, 65. Morente. Pontevedra.

Feito denunciado: cazar nun couto privado de caza sen ser socio del.

Precepto infrinxido: art. 48.1.8 da Lei 1/1970, de caza.

Precepto sancionador: art. 48 da Lei 1/1970, de caza.

Sanción: 4.000 ptas.