O Real decreto 733/1995, do 5 de maio, sobre expedición de títulos académicos e profesionais correspondentes ás ensinanzas establecidas pola Lei orgánica 1/1990, do 3 de outubro, de ordenación xeral do sistema educativo contén as normas reguladoras das condicións nas que terá que levarse a cabo e supón a asunción por parte da nosa Comunidade Autónoma da competencia para a dita expedición.
O artigo 7 do dito decreto establece que as taxas que teñan que aboa-los interesados nos casos e polos conceptos que procedan constituirán ingresos esixibles pola Administración que expida os títulos; a súa contía será a fixada na correspondente normativa de ámbito nacional e para efectos de fixa-lo procedemento de recadación diríxese a presente orde,
Por todo isto,
DISPOÑO:
Artigo 1º
A taxa polos servicios administrativos de expedición de títulos académicos e profesionais correspondentes as ensinanzas establecidas pola LOXSE recadarase segundo o disposto na orde desta consellería, do 30 de xuño de 1992, pola que se aproba o modelo de autoliquidación das taxas da Comunidade Autónoma e normativa que a modifica, en especial a Orde do 29 de xuño de 1994 pola que se regula o procedemento de recadación voluntaria das taxas e prezos da Comunidade Autónoma de Galicia.
Artigo 2º
Para os efectos da aplicación da normativa a que se refire o artigo anterior o código de ingreso correspondente á citada taxa será: 32.20.00
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 21 de xuño de 1995.
José A. Orza Fernández
Conselleiro de Economía e Facenda
CONSELLERÍA DE POLÍTICA TERRITORIAL, OBRAS PÚBLICAS
E VIVENDA