A xeneralización do réxime de declaración-liquidación na iniciación do procedemento de xestión tributaria, xunto á implantación de medios informáticos para o tratamento da información derivada dela, determinan que, ademais da existencia dun
modelo oficial de declaración-liquidación para cada tributo, sexa necesario, a prol da axilización da actividade administrativa, que o mesmo sexa susceptible do correspondente tratamento mecanizado. Por todo isto,
DISPOÑO:
Primeiro.-No ámbito da Comunidade Autónoma de Galicia os modelos de impresos que se van empregar nas declaracións-liquidacións de tributos cedidos e do imposto sobre o xogo do bingo, que se relacionan no anexo a esta orde, serán os aprobados pola normativa reguladora de cada un deles, que, adaptados ás características propias da nosa comunidade, confecciona o Colexio de Orfos de Facenda.
Segundo.-A presente orde entrará en vigor o día seguinte da súa publicación.
Santiago de Compostela, 20 de xuño de 1995.
José A. Orza Fernández
Conselleiro de Economía e Facenda
ANEXO
Relación de modelos.
-Modelo 045: taxa fiscal sobre o xogo. Máquinas ou aparellos automáticos.
-Modelo 043: taxa fiscal sobre o xogo. Bingo
-Modelo 001: imposto sobre o xogo do bingo.
-Modelo 600: imposto sobre transmisións patrimoniais e actos xurídicos documentados.
-Modelo 610: pagamento en metálico do imposto que grava os recibos negociados por entidades de crédito.
-Modelo 620: compravenda de determinados medios de transporte entre particulares.
-Modelo 30A: exceso de letras de cambio.
-Modelo 650: imposto sobre sucesións e doazóns. Autoliquidación doazóns.
-Modelo 651: imposto sobre sucesións e doazóns. Autoliquidación sucesións.