A Dirección Xerencia do Hospital Montecelo, en virtude das atribucións que lle foron delegadas con

forme o establecido no artigo 7 da Orde do 15 de setembro de 1994 da Consellería de Sanidade e Servicios Sociais (DOG do 3 de outubro, número 191), convoca a seguinte contratación, para a adquisición de aparellos, dispositivos, instrumental e material informático polo procedemento aberto, mediante concurso público.

Obxecto e orzamento: a adquisición de aparellos, dispositivos, instrumental e material informático por un orzamento de vintecatro millóns trescentas oitenta e sete mil setecentas noventa e unha pesetas (24.387.791 ptas.), IVE incluído.

Prazo de execución: os bens obxecto do presente concurso público entregaranse no prazo de corenta días contados a partir da data de formalización do contrato.

Documentos de interese para os licitadores: o prego de cláusulas administrativas particulares, e demais documentación complementaria, poden ser solicitados no Servicio de Subministración e Concursos do Hospital Montecelo, lugar de Mourente, s/n, 36071 Pontevedra, nos días laborables desde as 9 ata as 14 horas, ou ó teléfono número (986) 80 00 17 e fax (986) 80 00 01, durante o prazo de admisión das proposicións.

Fianzas: o 2% do orazamento de licitación, que se constituirá conforme co disposto no prego de cláusulas administrativas particulares.

Solvencia económica e financeira: as empresas licitadoras acreditarán a súa solvencia económico-financeira por calquera dos medios previstos no artigo 16 da Lei 13/1995, de contratación das administracións públicas.

Solvencia técnica: acreditarase por algún dos medios previstos no artigo 18 da Lei 13/1995, de contratación das administracións públicas.

Criterios de adxudicación: a prioridade de criterios de adxudicación establecerase na seguinte orde:

1. Prezo-calidade.

2. Valor técnico.

3. Servicio pos-venda.

4. Prazo entrega.

5. Período garantía.

6. Contía futuro mantemento.

7. Características estéticas.

8. Custo utilización-rentabilidade.

Clasificación: non se esixe.

Presentación de proposicións: as proposicións presentaranse en man, en sobres pechados e asinados polo licitador ou persoa que o represente, no rexistro xeral do Hospital Montecelo, antes das 14 horas do vixésimo sexto día natural contado a partir do seguinte ó da publicación desta resolución no DOG, ou por correo na forma indicada no artigo 100 do Regulamento xeral de contratos do Estado.

Apertura de proposicións: a apertura das proposicións admitidas realizarase pola mesa de contratación, reunida en acto público na sala de xuntas do Hospital Montecelo, ás dez horas do undécimo día natural contado a partir do seguinte a aquel no que remate o prazo de presentación de ofertas; no caso de que o mencionado día coincida en sábado ou festivo, a apertura das proposicións terá lugar o día hábil seguinte.

Documentación que deberán presenta-los licitadores: os documentos que figuran no prego de cláusulas administrativas particulares.

Anuncios: os anuncios do presente concurso público serán por conta dos adxudicatarios dos contratos.

Pontevedra, 31 de agosto de 1995.

Rafael Pérez-Santamarina Feijóo

Director xerente do Hospital Montecelo

95-6268