Aprobados pola comisión de goberno os pregos de condicións económico-administrativas que rexerán para a contratación mediante concurso con procedemento aberto para contrata-los servicios de xardinería das zonas do termo municipal que figuran no anexo dos ditos pregos, expóñense ó público durante o prazo de oito días contados desde o seguinte ó da publicación do presente anuncio no BOP, para efectos de presentación de reclamacións.

Simultaneamente, anúnciase concurso con procedemento aberto, se ben a licitación se aprazará cando cumpra no suposto de se formularen reclamacións contra o prego de condicións.

Obxecto: contratación de servicios de labores de corta, rega, plantacións, poda de árbores, remoción de terras e outros propios da xardinería.

Duración do contrato: un ano; e renovarase tacitamente por anualidades.

Documentación: os pregos de condicións están a disposición dos interesados na secretaría do concello, de luns a venres, de 9 a 14 horas.

Modelo de proposición: está contido no prego de condicións.

Prazo de presentación: finaliza ás 14 horas do décimo terceiro día hábil seguinte ó da publicación deste anuncio no BOP.

Apertura de proposicións: o terceiro día hábil seguinte ó da finalización do prazo anterior, ás 13 horas.

Sada, 18 de setembro de 1995.

Ramón Rodríguez Ares

Alcalde

6266