Anúnciase concurso público aberto para a contratación polo Instituto Galego de Promoción Económica (Igape) da elaboración do proxecto básico e posterior de execución do edificio que albergará as seguintes entidades: Instituto Galego de Promoción Económica (Igape), Sociedade para o Desenvolvemento Industrial de Galicia, S.A. (Sodiga), Inversións Estratéxicas de Galicia, S.A. (Inesga) e Centro Europeo de Empresas e Innovación de Galicia, S.A. (CEEI Galicia) e edificio anexo de futura ampliación que acollerá as distintas entidades representativas do sistema productivo e desenvolvemento de Galicia, en Santiago de Compostela.

1. Entidade contratante: Instituto Galego de Promoción Económica (Igape), r/ Frei Rosendo Salvado 16 baixo, 15701 Santiago de Compostela.

2. Modalidade de adxudicación: concurso público aberto.

3.Obxecto do contrato: elaboración dun proxecto básico e posterior execución dos edificios mencionados.

4. Orzamento máximo de licitación: 14.702.400 ptas. (sen incluír IVE). O dito orzamento cubrirá tamén a elaboración do proxecto de execución de obra por parte de quen resulte adxudicatario.

5. Documentación de interese para os licitadores: os pregos de cláusulas administrativas particulares e os de prescricións técnicas estarán de manifiesto na sede do Instituto Galego de Promoción Económica, sita en r/ Frei Rosendo Salvado, 16 Santiago de Compostela (A Coruña), así como nas súas delegacións de Ferrol e Vigo durante o prazo de presentación de proposicións os días e horas hábiles de oficina.

6. a) Data límite de recepción de ofertas: o prazo de admisión rematará ás catorce horas do vigésimo sétimo día hábil seguinte ó da publicación do concurso no Diario Oficial de Galicia. De coincidir en sábado, o prazo entenderase prorrogado ata as 14 horas do seguinte día hábil.

b) Lugar de presentación de proposicións: no rexistro xeral do Instituto Galego de Promoción Económica, ou por correo dentro do prazo de admisión sinalado conforme o disposto no artigo 100 do Regulamento xeral de contratos do Estado.

7. Apertura de proposicións: no acto público ás 12 horas do terceiro día hábil seguinte á finalización do prazo de presentación de ofertas. En caso de coincidir en sábado trasladarase ó día hábil seguinte, no Instituto Galego de Promoción Económica, sito en r/ Frei Rosendo Salvado, 16, Santiago de Compostela.

8.Fianzas:

a) Fianza provisional: 2% do orzamento de licitación.

b) Fianza definitiva: 4% do orzamento de licitación.

9. Documentos que achega-los os licitadores: os indicados nos pregos de cláusulas administrativas particulares respectivos.

10. Criterios de adxudicación: os establecidos no prego de cláusulas administrativas do concurso.

11. Prazo durante o cal o licitador queda vinculado á súa oferta: 3 meses desde a apertura das proposicións.

12. Outras informacións: os gastos de publicacións serán por conta dos adxudicatarios. O presente anuncio substitúe o publicado o día nove de outubro (DOG nº 194) que se entende que queda anulado.

Santiago de Compostela, 26 de outubro de 1995.

José Antonio Orza Fernández

Presidente do Instituto Galego de Promoción Económica

9507268