O presente expediente de expropiación forzosa foi aprobado polo delegado provincial da Consellería de Política Territorial, Obras Públicas e Vivenda con data 10 de novembro de 1995. De conformidade co establecido no artigo 220 do Real decreto lexislativo 1/1992, do 26 de xuño, a resolución do órgano autonómico implica a declaración de urxencia da ocupación dos bens e dereitos afectados.

Pagamento: de conformidade co disposto no artigo 222 da Lei 1/1992, do 26 de xuño, e artigos 205 e seguintes do Regulamento de xestión urbanística aprobado polo R.D. 3288/1978, do 25 de agosto, o Instituto Galego da Vivenda e Solo sinalou a data do pagamento ou consignación, de selo caso, do prezo

xusto, o cal terá lugar o día 28 de decembro de 1995, a partir das 10 horas.

O que se fai público para o xeral coñecemento, advertindo que o pagamento se lles fará a aqueles interesados que acheguen certificación rexistral ó seu favor, na que conste que se emitiu a nota do artigo 32 do Regulamento hipotecario ou, no seu lugar, os títulos xustificativos do seu dereito, completados con certificación negativa ó rexistro da propiedade referida ó mesmo predio descrito nos títulos, consonte o artigo 222 da Lei 1/1992, de 26 de xuño, e artigo 205 do Regulamento de xestión urbanística, aprobado por R.D.L. 3288/1978, do 25 de agosto. Non se admitirá representación se non é por medio de poder debidamente autorizado, xa sexa xeral ou particular para este caso, e que deberá identificarse co DNI ou, en todo caso, polo coñecemento directo que testifiquen alcalde ou o secretario do concello.

Ocupación: de acordo co artigo 223 da Lei 1/1992, do 26 de xuño, e 209 do Regulamento de xestión urbanística aprobado polo R.D. 3288/1978, do 25 de agosto, para proceder ó levantamento das actas de ocupación, deberan asisti-los titulares persoalmente, ou ben representados por persoas debidamente autorizadas para actuaren no seu nome, aportando os documentos acreditativos da súa titularidade, DNI, o último recibo do imposto sobre bens inmobles, en caso de representación, ou poder suficiente, podendo asistir acompañado pola súa conta, se o considera oportuno, dos seus peritos ou un notario.

En consecuencia, convócase os titulares dos ben e dereitos afectados polo expediente de referencia, para que comparezan co obxecto de proceder ó pagamento e ó levantamento das actas de ocupación dos predios afectados.

Lugar de pagamento e levantamento das actas de ocupación: Casa do Concello de Bueu, en presencia do representante da Administración, do alcalde e do secretario do concello.

Día 28 de decembro, ás 10 horas, os seguintes titulares:

Día 28 de decembro, ás 16 horas, os seguintes titulares:

Santiago de Compostela, 22 de novembro de 1995.

José Antonio Redondo López

Director xeral do Instituto Galego da Vivenda e Solo