O rector, unha vez cumpridos os trámites administrativos correspondentes, resolveu anunciar, mediante procedemento aberto, o seguinte concurso público para a adxudicación da subministracion que a continuación se relaciona:
Obxecto: placa para sistema de ordenador (Exp. nº 60/1995).
Orzamento de licitación e prazo máximo de entrega: 2.999.984 ptas. (IVE incluído) - un mes.
Licitadores: persoas físicas ou xurídicas que reúnan os requisitos esixidos nos pregos de cláusulas administrativas particulares.
Garantías: as indicadas nos pregos de cláusulas administrativas particulares.
Prego de cláusulas: tódolos interesados poderán consultalos ou recolle-los pregos no Servicio de Xestión Económica e Contratación da Universidade de Vigo, r/ Oporto, 1-2ª planta, C.P. 36201, Vigo (Pontevedra) das 9 ás 14 horas de luns a venres.
Lugar de presentación de ofertas: as propostas presentaranse no rexistro xeral da Universidade de Vigo, r/ Oporto, 1-planta baixa, C P. 36201, Vigo (Pontevedra) das 9 ás 14 horas de luns a sábado.
Prazo de presentación: o prazo para a recepción das ofertas, comezará o día seguinte ó da publicación
da presente resolución no DOG e rematará o vixésimo sexto día natural ás 14 horas.
Apertura de ofertas: terá lugar na sala de xuntas do rectorado, r/ Oporto, nº 1 - Vigo (Pontevedra), ás 11 horas do segundo día hábil seguinte ó da data límite de presentación de ofertas (no caso de coincidir en sábado terá lugar o luns seguinte).
Acreditación da solvencia económica, financeira e técnica polos licitadores:
-Solvencia económica e financeira: poderase acreditar por calquera dos medios a que se refire o artigo 16 da Lei 13/1995, do 18 de maio.
-Solvencia técnica: mostras, descricións e fotografía dos productos que hai que subministrar. Relación das principais subministracións efectuadas durante os tres últimos anos, indicando o seu importe, datas e os destinatarios públicos ou privados, e incorporación dos correspondentes certificados sobre eles.
Información adicional: o prazo mínimo de garantía dos bens que hai que subministrar fíxase nun ano contado desde a recepción destes.
Non se admitirán variantes ou alternativas.
O importe deste anuncio será por conta do adxudicatario.
Vigo, 24 de novembro de 1995.
P.D. (R. 18-10-1995)
José Pose Blanco
Vicerrector de Economía