Perante este Xurado Provincial de Montes Veciñais en Man Común tramítase expediente número 322 de clasificación do monte que ten as características que se indican a continuación:
Denominación: monte de Montellos.
Comunidade: lugar de Montellos.
Parroquia: Eirón.
Concello: Mazaricos.
Superficie: 56,50 ha.
Lindeiros:
É parte do monte Outeiro e outros, nº 103-G do CUP.
Norte: con propiedades particulares dos veciños de Montellos, desde o piquete nº 67 ó 73 seguindo a orde de piquetes.
Leste: con muro que o separa de propiedades particulares dos veciños de Casais, desde o piquete nº 73 ó 82, seguindo a orde de piquetes.
Sur: con límite do concello de Negreira, desde o piquete nº 82 ó 84 seguindo a orde de piquetes. Con propiedades particulares de veciños de Montellos desde o nº 84 ó 92 seguindo a orde de piquetes. Con límite do concello de Negreira desde o piquete nº 92 ó 95 seguindo a orde de piquetes. Con monte de parroquia de Chacín, desde o piquete nº 95 e seguindo a liña do deslinde ata o punto de intersección do camiño que vai desde Montellos a Santabaia.
Oeste: con resto do monte Outeiro e outros, deste último punto e seguindo o camiño que vai de Montellos a Santabaia ata o piquete nº 67.
En virtude do acordado polo xurado, e en cumprimento da orde do instructor, do 25 de outubro de 1995, conforme o disposto na Lei de montes veciñais en man común e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesados, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.
A Coruña, 25 de outubro de 1995.
Manuel Puente Araújo
Secretario do Xurado Provincial de Montes Veciñais en Man Común da Coruña
9508022