O Instituto Galego da Vivenda e Solo, con data 18 de xullo de 1990, asinou un convenio co Concello de Culleredo para a creación dun parque empresarial no dito municipio.

A Comisión Provincial de Urbanismo da Coruña, en sesión celebrada o día 28 de outubro de 1993 aprobou definitivamente o Plan Parcial do Parque Empresarial de Culleredo. Este plan parcial establece como sistema de actuación o de expropiación, o que implica a declaración de utilidade pública das obras e a necesidade de ocupación dos terreos e edficios correspondentes para os fins da expropiación, segundo o Art. 132 do Real decreto lexislativo 1/1992, do 26 de xuño, polo que se aproba o texto refundido da Lei sobre réxime do solo e ordenación urbana.

O artigo 218 do Real decreto lexislativo 1/1992, do 26 de xuño, permítelle á Administración actuante aplicar en tódalas expropiacións urbanísticas o procedemento de taxación conxunta regulado nos Arts. 219 e seguintes do dito texto legal e nos artigos 202 e seguintes do Regulamento de xestión urbanística.

De conformidade co previsto nos artigos 219 e seguintes do Real decreto lexislativo 1/1992, do 26 de xuño, polo que se aproba o texto refundido da Lei sobre réxime do solo e ordenación urbana, sométese a información pública o expediente de expropiación dos bens e dereitos que se precisan ocupar para a execución do parque empresarial de Culleredo.

O expediente estará exposto nas oficinas da Sociedade Xestión Urbanística da Coruña, S.A. (XESTUR-CORUÑA) sita na r/ Ronda de Nelle 12 bis- 1º polo termo dun mes, a partir da publicación desta resolución no Diario Oficial de Galicia.

Durante o citado prazo, todas aquelas persoas ou entidades que se consideren afectadas poderán presenta-las alegacións que estimen oportunas, por triplicado exemplar, no Rexistro da Xefatura da Área Provincial do Instituto Galego da Vivenda e Solo, sito no edificio administrativo Monelos, r/ Salvador de Madariaga s/n A Coruña.

Santiago de Compostela, 12 de decembro de 1995.

José Antonio Redondo López

Director xeral do Instituto Galego da Vivenda e Solo

Relación de titulares afectados

7803