Aprobado inicialmente polo Pleno do Concello en sesión do día 12 de marzo de 1996 o proxecto de urbanización entre as rúas Portela e Fontáns (expediente nº 3931/401), exponse ó público polo prazo de quince días hábiles mediante inserción de anuncios no DOG, BOP, prensa e taboleiro de edictos da Casa do Concello, con notificacións individuais ós propietarios do ámbito.
O acordo devandito establece ademais o seguinte:
-Os promotores da actuación deberán avalar, unha vez aprobado definitivamente este proxecto, a cantidade de 3.784.750 pesetas para responder dos custos de expropiación dos terreos necesarios para a execución da vía que se proxecta.
-Así mesmo, deberán avalar (tamén logo da aprobación definitiva), a cantidade de 11.129.454 pesetas, correspondente ó 100% do custo das obras de urbanización.
-A actuación desenvolverase nunha única fase, tal como se describe na alínea 4 da memoria do proxecto.
-O prazo de execución da totalidade das obras comprendidas no proxecto fíxase en 10 meses contados desde a efectiva dispoñibilidade dos terreos.
-A aprobación definitiva deste proxecto de urbanización quedará condicionada á previa aprobación definitiva do estudio de detalle do ámbito (actualmente en trámite). En consecuencia, unha vez aprobado o ED e de non se presentar ningunha alegación ó proxecto de urbanización,e ste considerarase aprobado definitivamente, sen necesidade de acordo expreso para o efecto, pero coa preceptiva publicación no BOP e comunicación ó órgano competente da Xunta de Galicia en materia urbanística (artigo 31.3º da LASGA).
O prazo entenderase aberto desde a primeira publicación, ata o remate do prazo indicado, contado desde o día seguinte ó do derradeiro anuncio.
A documentación atópase na oficina municipal de información para exame e alegacións.
Vigo, 1 de abril de 1996.
Manuel Pérez Álvarez
Alcalde
VX'D$gâ 4SFíà ®ÿ
