Visto o expediente promovido pola titular do centro privado homologado de perruquería Extasis, sito na Travesía de Beiramar, 2-baixo, da Coruña, en solicitude de autorización de cese de actividades.
Resultando que o dito centro foi autorizado como homologado para impartir ensinanzas da área tecnolóxico-práctica de perruquería, por Orde de 2 de setembro de 1987, e que o expediente foi tramitado pola delegación provincial, acompañado dos preceptivos informes.
Considerando que desde o curso 1993/1994 non imparte actividades docentes.
Esta consellería,
DISPÓN:
Autorizarlle o cesamento de actividades ó centro privado homologado de perruquería que se relaciona de seguido:
Provincia: A Coruña.
Concello: A Coruña.
Localidade: A Coruña.
Denominación: Extasis.
Domicilio: Travesía Beiramar, 2-baixo.
Titular: Isabel Ramírez Berbel.
Autorízase o cesamento de actividades e anúlase a súa inscrición no rexistro de centros.
Santiago de Compostela, 21 de xuño de 1996.
Celso Currás Fernández
Conselleiro de Educación e Ordenación Universitaria
Sr. Director Xeral de Ordenación Educativa e Centros
5312