O artigo 2.4º, do Decreto 327/1991, do 4 de outubro, de avaliación de efectos ambientais para Galicia (DOG nº 199, do 15 de outubro), dispón que o órgano ambiental someterá o estudio de efectos ambientais ó trámite de información pública, durante quince días hábiles, mediante anuncio no Diario Oficial de Galicia.

Na súa virtude,

RESOLVO:

Primeiro.-Someter a información pública, no prazo de quince días hábiles, contados a partir da publicación da presente resolución, o estudio de efectos

ambientais do proxecto de aproveitamento hidroeléctrico de Búbal I e Búbal II, sito nos concellos de Carballedo (Lugo) e A Peroxa (Ourense), e promovido por Unión Eléctrica-Fenosa, S.A..

Segundo.-Para os ditos efectos informativos, poranse á disposición dos administrados exemplares nas seguintes dependencias:

-Secretaría Xeral da Comisión Galega do Medio Ambiente.

-Delegacións provinciais da Consellería da Presidencia e Administración Pública (Comisión Provincial de Medio Ambiente) das provincias de Lugo e Ourense.

-Concello de Carballedo e Concello da Peroxa.

Terceiro.-As alegacións formularanse durante o dito prazo de quince días.

Cuarto.-Unha vez finalizado o mencionado prazo, remitirase o expediente coas correspondentes alegacións á Secretaría Xeral da Comisión Galega do Medio Ambiente.

Santiago de Compostela, 4 de setembro de 1996.

José Luis Aboal García-Tuñón

Secretario xeral da Comisión Galega do Medio Ambiente

6614