O conxunto mínimo básico de datos (C.M.B.D.) é unha colección de parte dos datos de que dispoñen os establecementos sanitarios con réxime de internamento sobre cada paciente atendido, e que se recollen, no momento da alta do informe clínico e/ou historia correspondente. O informe de alta hospitalaria é o documento básico de información para o paciente hospitalizado e para os profesionais dos distintos niveis asistenciais.
Respecto a utilidade do C.M.B.D., como é ben coñecido, resulta un elemento fundamental na información a nivel asistencial, de xestión do propio hospital, de planificación, epidemiolóxico e de investigación.
Son requisitos imprescindibles para a operabilidade do conxunto mínimo básico de datos a exhaustividade e a normalización dos criterios de codificación, que implican codificación centralizada, persoal especializado con formación homoxénea e a utilización dun sistema de clasificación adecuado.
O conxunto mínimo básico de datos de altas hospitalarias regulase en Galicia por orde da Consellería de Sanidade e Servicios Sociais do 7 de abril de 1993 (DOG nº 77 do 26 de abril).
En consecuencia, e en virtude das facultades que me confiren a disposición derradeira primeira da orde da Consellería de Sanidade e Servicios Sociais do 7 de abril de 1993.
DISPOÑO:
Artigo único.
1.-Tódolos centros sanitarios galegos con réxime de internamento quedan obrigados a utilizar, para a elaboración do conxunto mínimo básico de datos
de altas hospitalarias (C.M.B.D.), a clasificación internacional de enfermidades, 9ª revisión, modificación clínica (CIE-9-MC), na súa terceira edición en castelán, nas altas producidas desde a data do 1 de xaneiro de 1997.
2.-Queda sin efecto a Resolución do 4 de novembro da Dirección Xeral de Organización Sanitaria que establece o uso da CIE-9-MC 2ª edición en castelán para a codificación diagnóstica en Galicia (DOG nº 230 do 29 de novembro).
Santiago de Compostela, 14 de xaneiro de 1997.
Manuel Antonio Silva Romero
Secretario xeral da Consellería de Sanidade
e Servicios Sociais
572
