Por resolución da alcaldía con data do 6 de febreiro de 1997, acordouse aprobar inicialmente o estudio de detalle para a unidade de execución nº 1-b-Cambre, das normas subsidiarias municipais, presentado por Anjoca, S.L., e redactado polos arquitectos Xaime Martínez Molina e Ignacio Ferreiro González.

O que se fai público para xeral coñecemento. O expediente sométese a información pública polo prazo de quince días mediante anuncio no Diario oficial de Galicia, BOP, e nun dos xornais de maior circulación da provincia, de conformidade co establecido no artigo 117 do texto refundido da Lei do solo e artigo 140 do Regulamento de planeamento.

Durante o citado prazo poderanse formula-las alegacións que se consideren pertinentes. O expediente poderá ser consultado na Unidade Xurídica de Urbanismo e Persoal deste concello.

Cambre, 12 de febreiro de 1997.

Antonio Varela Saavedra

Alcalde

1197