A Dirección Xerencia do Hospital Montecelo, en virtude das atribucións que lle foron delegadas conforme o establecido no artigo 7 da Orde do 22 de maio de 1996 (DOG do 6 de xuño de 1996), da Consellería de Sanidade e Servicios Sociais, convoca o concurso público nº 4/1997, polo procedemento aberto e trámite de urxencia seguinte:

Obxecto e orzamento: a adquisición de material sanitario funxible, con destino a cubrir necesidades do hospital, repartido en seis lotes que poden ser obxecto de licitación e adxudicación separadamente, por un orzamento total de 14.176.000 pesetas. Imposto sobre o valor engadido, incluído.

-Lote 1. Cueiros anatómicos. 682.000 ptas.

-Lote 2. Cueiros para adultos. 1.484.000 ptas.

-Lote 3. Equipos de infusión intravenosos. 4.013.000 ptas.

-Lote 4. Sistema de regulación de fluxo para equipo. 396.000 ptas.

-Lote 5. Gasas. 4.071.000 ptas.

-Lote 6. Compresas cirúrxicas. 3.530.000 ptas.

Prazo de execución: os bens obxecto do presente concurso público entregaranse conforme a demanda do Servicio de Subministracións.

Documentos de interese para os licitadores: o prego de cláusulas administrativas particulares e de prescricións técnicas, e demais documentación complementaria, poderá ser solicitada na sección de concursos do Hospital Montecelo, lugar de Mourente, s/n. CP 36071 Pontevedra, nos días laborables desde as 9 ata as 14 horas, ou por teléfono (986) 80 00 17, ou fax (986) 80 00 01, durante o prazo de admisión das proposicións.

Fianzas: provisional, o dous por cento do orzamento da licitación de cada lote, que se constituirá conforme o disposto no prego de cláusulas administrativas particulares.

Solvencia económica e financeira: as empresas licitadoras acreditarán a súa solvencia económico-financeira por calquera dos medios previstos no artigo 16 da Lei 13/1995 de contratos das administracións públicas.

Solvencia técnica: acreditarase por algún dos medios previstos no artigo 18 da Lei 13/1995, de contratos das administracións públicas.

Criterios de adxudicación: os especificados no prego de cláusulas (p. 11).

Clasificación: non se esixe.

Presentación das proposicións: as proposicións presentaranse en man, en sobres pechados e asinados polo licitador ou persoas que o representen, no rexistro xeral do Hospital Montecelo, antes das catorce horas do décimo terceiro día natural contado a partir do seguinte ó da publicación desta resolución no DOG, ou por correo na forma indicada no artigo 100 do Regulamento xeral de contratos do estado.

Apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas do Hospital Montecelo, ás dez horas do décimo primeiro día natural contado a partir do seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar no día hábil seguinte.

Documentación que deberán achega-los licitadores: os documentos que figuran no prego de cláusulas administrativas particulares.

Variantes: admitirase a presentación dunha variante ou alternativa por cada concepto.

Anuncios: o importe dos anuncios do presente concurso público serán por conta dos adxudicatarios.

Pontevedra, 25 de marzo de 1997.

Rafael Pérez-Santamarina Feijóo

Director xerente do Hospital Montecelo

de Pontevedra

2624