Visto o expediente de revisión salarial para o ano 1997 do convenio colectivo provincial do comercio do metal que tivo entrada nesta delegación provincial o día 19-9-1997, subscrito en representación da parte económica pola Asociación Provincial de Ferretería e Ferros, o Gremio Provincial de Xoieiros, Prateiros e Reloxeiros e a Asociación de Maioristas de Material Eléctrico, e da parte social por CC.OO. e UGT o día 2-9-1997, de conformidade co disposto no artigo 90.2º e 3º da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 29 de setembro de 1997.

Mª Reyes Carabel Pedreira

Delegada provincial da Coruña

Acta da comisión paritaria do convenio do comercio do metal da Coruña

-Parte social:

José Ramón Grela Castro (CC.OO).

Miguel Cagigal Fariña (UGT).

-Parte empresarial:

Ángel Torres González.

Antonio Carrodeguas Barbosa.

Secundino Garrido Belmonte.

Na Coruña, ás once horas do día 2 de setembro de 1997, nos locais da parte empresarial, reúnense as persoas á marxe relacionadas, integrantes da comisión paritaria do convenio colectivo provincial do comercio do metal da Coruña, co obxecto de proceder á aprobación das táboas salariais do ano 1997.

Examinadas estas por tódolos asistentes, acórdase a súa aprobación.

Xúntanse a esta acta como anexo l.

E, ó non haber máis asuntos que tratar, levántase a sesión, ás once e trinta minutos da data e lugar arriba indicados.

Convenio colectivo do comercio do metal

Táboas salariais 1997

8101