No uso das atribucións recollidas no artigo 3º da Lei 10/1996, do 5 de novembro (DOG nº 227 do 20 de novembro), o padroado da Fundación Pública Hospital da Barbanza acordou a aprobación do cadro de persoal facultativo do centro, así como a convocatoria das correspondentes probas de selección

de persoal facultativo, con respecto ós principios de igualdade, mérito, capacidade e publicidade, segundo determina o artigo 2º da devandita lei.

En virtude del, esta dirección fai pública a convocatoria da selección do persoal facultativo, conforme as seguintes bases:

Prazas convocadas:

Titulación requirida: a licenciatura e especialidade esixida legalmente para o desempeño de cada unha das prazas convocadas.

Tipo de contrato: a contratación do persoal que resulte seleccionado someterase ó disposto no R.D.L. 8/1997, do 16 de maio, en materia de fomento da contratación indefinida e tamén ó disposto no artigo 15.1º do Estatuto dos traballadores.

Procedemento de selección: consistirá, en primeiro lugar, nunha proba eliminatoria sobre un suposto clínico correspondente a cada especialidade. A proba superarase coa cualificación de apto.

Os candidatos como aptos participarán na segunda fase consistente na valoración que se deduza dos méritos e da entrevista persoal. Previamente publicarase o baremo polo que serán avaliados os méritos, que consistirán na experiencia e na formación.

Coa puntuación obtida, de acordo co baremo de méritios e a que resulte da entrevista, ponderadas nun 45% e 55% respectivamente, confeccionarase un listado final por orde de puntuación acadada por cada aspirante.

A FPHB resérvase o dereito de seleccionar un número de aspirantes superior ó de prazas convocadas en cada especialidade, seguindo na elección a orde do listado final. A FPHB resérvase tamén o dereito de declarar deserta algunha das prazas convocadas.

A selección, de conformidade co disposto no artigo 4 da Lei 10/1996, do 5 de novembro (DOG nº 227, do 20 de novembro), será efectuada por unha comisión técnica designada para o efecto. Esta comisión resérvase o dereito de realizar outras probas accesorias que considerase pertinentes.

Inicio das probas: as probas non se realizarán antes dun mes, desde que se publique esta convocatoria, de acordo co disposto no artigo 4 da Lei 10/1996.

Dereitos de exame: os candidatos deberán aboar 2.000 ptas. en concepto de dereitos do exame na conta do BBV nº 0182-5947-13-0010222224.

Solicitude de participación; para participar neste proceso deberase remitir solicitude do interesado dirixida á Fundación Pública Hospital da Barbanza, Apdo. de correos 106 de Ribeira (A Coruña), no prazo improrrogable de vinte días desde a publicación do presente anuncio, indicando no sobre a referencia da praza á que se opta. Deberase achegar unicamente xustificante de pagamento dos dereitos do exame, copia compulsada do título esixido e fotocopia do DNI.

A documentación xustificativa dos méritos alegados deberase achegar no momento de realización da proba escrita.

Exclusións e reclamacións: a non reunión dos requisitos mínimos, o non pagamento dos dereitos de exame, a insuficiente identificación ou o pagamento dos dereitos do exame fóra do período establecido para iso dará lugar á exclusión do proceso de selección, sen posibilidade de reclamación.

Incorporación: os candidatos seleccionados incorporaranse de forma gradual segundo as necesidades de posta en marcha dos servicios do hospital e logo de superación do recoñecemento médico que o faculte para o desempeño da praza.

Teléfono de información: (981) 83 59 01.

Ribeira, 27 de febreiro de 1998.

Rubén Sanz Cartagena

Director da Fundación Pública Hospital da Barbanza