Dentro do plan de actividades da Escola Galega de Administración Pública para 1998 e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse, en colaboración co Consello Consultivo de Galicia, unhas Xornadas sobre función consultiva e Administración local, que deberán desenvolverse conforme as seguintes bases:

1. Obxectivos:

Analiza-lo ámbito de actuación, a función e o carácter dos dictames dos consellos consultivos en relación coas competencias dos entes locais.

2. Contidos:

Trataranse, entre outros, estes temas:

-Entes locais e consellos consultivos.

-Dictames consultivos e Administración local.

-A responsabilidade patrimonial na Administración local.

-Recursos de revisión e revisión de oficio.

-Contratación e concesión administrativas.

3. Destinatarios:

Persoal titulado ó servicio da Administración local e da Xunta de Galicia.

4. Desenvolvemento:

Horario: mañá e tarde.

Lugar e datas: as xornadas convocadas terán lugar no salón de actos da Escola Galega de Administración

Pública (polígo das Fontiñas, rúa de Madrid, 2-4 en Santiago de Compostela), os días 29 e 30 de xuño.

5. Inscrición:

Prazo: remata o mércores, día 24 de xuño de 1998.

Tramitación de solicitudes: as solicitudes irán dirixidas ó director da Escola Galega de Administración Pública (polígono das Fontiñas, rúa de Madrid, 2-4, 15707, Santiago de Compostela), segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións púbicas e do procedemento administrativo común. Admitiranse tamén inscricións por telefax: (981) 54 63 37.

Número de prazas: limitado á capacidade do local.

Inscrición fóra de prazo: só se admitirán, de que daren prazas baleiras, coa condición de que se cumpran os requisitos xerais antes indicados.

Os peticionarios poderán obter confirmación da súa posible admisión, chamando, a partir do día 10 de xuño, por teléfono das 10 horas ás 14.30 horas, ós seguintes números: (981) 54 62 39 ou (981) 54 60 40.

6. Modificacións:

A EGAP reserva para si a facultade de interpretar e de resolve-las incidencias que puidesen xurdir no desenvolvemento das xornadas, así como a de cancelalas se o escaso número de solicitudes non xustificase a súa realización.

7. Certificación de asistencia:

Entregaráselles, ó remate destas xornadas, a aqueles asistentes que concorresen asiduamente a estas, cando a súa inasistencia non sexa igual ou superior ó 15% das horas lectivas programadas, e expresarase neste documento a natureza da actividade e as datas da súa realización.

Santiago de Compostela, 28 de maio de 1998.

Domingo Bello Janeiro

Director da Escola Galega de Administración Pública

5093