A Comunidade Autónoma de Galicia ten competencias en materia de conservación da natureza, de acordo co establecido nos reais decretos 167/1981, do 9 de xaneiro, 1234/1983, do 20 de abril e 1535/1984, do 20 de xuño, que lle transfiren a Galicia as competencias nesta materia.

A Lei 4/1989, do 27 de marzo, de conservación dos espacios naturais e da flora e fauna silvestres regula, no seu título II, os plans de ordenación dos

recursos naturais como un instrumento de planificación da xestión dos recursos naturais.

Por todo isto,

DISPOÑO:

Para os efectos previstos no artigo 6 da Lei 4/1989, de conservación dos espacios naturais e da flora e fauna silvestres, ábrese un prazo de información pública sobre o Plan de Ordenación dos Recursos Naturais do Parque Natural do Invernadeiro.

O que se fai público para que poida ser examinado nas oficinas da Subdirección Xeral de Medio Ambiente Natural Caza e Pesca Fluvial da Consellería de Medio Ambiente (San Lázaro s/n, Santiago de Compostela) e nas da súa Delegación Provincial de Ourense (Avda. da Habana, 105), e para que se formulen contra el as alegacións que se consideren oportunas, nun prazo de 30 días, contados desde o seguinte ó da publicación desta resolución no Diario Oficial de Galicia.

Santiago de Compostela, 25 de maio de 1998.

Tomás José Fernández-Couto Juanas

Director xeral de Montes e Medio Ambiente Natural

5263