O Decreto 82/1989, do 11 de maio, regula a figura do espacio natural en réxime de protección xeral. Con carácter preventivo, co obxecto de salvagardar certos espacios ante posibles riscos ou ameazas de degradación e para garanti-lo mantemento dos ecosistemas, o artigo 6 do citado decreto permite a declaración provisional de certas especies en réxime de protección xeral.

Facendo uso da dita facultade, a través da Orde do 27 de maio de 1997, foi declarado provisionalmente o encoro de Cecebre como espacio natural en réxime de protección xeral por un ano, á vez que se iniciou o trámite da inclusión definitiva no Rexistro de Espacios Naturais de Galicia.

Unha vez finalizado o prazo de inclusión provisional, e para darlle continuidade ó trámite de inclusión definitiva,

RESOLVO:

Ó abeiro do artigo 5 do Decreto 82/1989, do 11 de maio, ábrese un prazo de información pública e posterior trámite de audiencia ós interesados do informe para a inclusión definitiva no Rexistro Xeral de Espacios Naturais de Galicia do encoro de Abegondo-Cecebre.

O que se fai público para que poida ser examinado nas oficinas da Subdirección Xeral de Medio Ambiente Natural, Caza e Pesca Fluvial, da Consellería de Medio Ambiente (San Lázaro, s/n, Santiago de Compostela) e na Delegación Provincial da Coruña (Edificio administrativo Monelos, Praza de Luis Seoane, s/n 5ª planta, A Coruña) e para que se formulen as alegacións que se consideren oportunas nun prazo dun mes, contando desde o seguinte ó da publicación desta resolución no Diario Oficial de Galicia.

Santiago de Compostela, 25 de maio de 1998.

José Carlos del Álamo Jiménez

Conselleiro de Medio Ambiente

5167