Antecedentes:

1. Auto do 3 de marzo de 1998, do Xulgado de Primeira Instancia e Instrucción número un de Vilagarcía de Arousa, no xuízo de menor contía nº 491/1987.

2. Resolución do 23 de marzo de 1998, da Secretaría Xeral e do Patrimonio, pola que se acorda o inicio do expediente de deslinde parcial do dominio público da canle de regadío da marxe esquerda do río Ulla, en Pontecesures (Pontevedra).

3. Resolución do 30 de abril de 1998, da Secretaría Xeral e do Patrimonio, pola que se acorda a práctica do deslinde parcial do dominio público afecto ás obras do camiño e canle de regadío da marxe esquerda do río Ulla, na zona de Carreiras-Pontecesures (Pontevedra).

4. Orde da Consellería de Economía e Facenda, do 22 de setembro de 1998, aprobatoria do deslinde parcial do dominio público afecto ás obras do camiño e canle de regadío da marxe esquerda do río Ulla, na zona de Carreiras-Pontecesures.

Fundamentos de dereito

1. Os artigos 7 e 72 da Lei 3/1985, do 12 de abril, do patrimonio da Comunidade Autónoma de Galicia e 7 e 170 e seguintes do Decreto 50/1989, do 9 de marzo, polo que se aproba o regulamento da dita lei, en relación co artigo 4.1º Decreto 13/1997, do 23 de xaneiro, polo que se establece a estructura orgánica da Consellería de Economía e Facenda (DOG nº 22, do 3 de febreiro), e artigo 2. A)1. do Decreto 351/1997, do 10 de decembro, polo que se fixa a estructura orgánica dos departamentos da Xunta de Galicia.

2. Os artigos 3 e 5 parágrafos 2º e 3º, da Lei 3/1985, do patrimonio da Comunidade Autónoma galega, e 2 e 4.1º b) da Lei 8/1993 reguladora da administración hidráulica de Galicia.

3. O artigo 2 da Lei estatal 29/1985, do 2 de agosto, de augas.

Á vista do anteriormente exposto,

RESOLVO:

1º Acorda-la demarcación do deslinde parcial do dominio público afecto ás obras do camiño e canle de regadío da marxe esquerda do río Ulla, na zona

de Carreiras - Pontecesures (Pontevedra), segundo o establecido na orde da Consellería de Economía e Facenda, do 22 de setembro de 1998, aprobatoria do deslinde, publicada no Diario Oficial de Galicia nº 198, do 13 de outubro de 1998.

2º A práctica da demarcación do deslinde dará comezo ás 10 horas do día 30 de outubro de 1998, no lugar de Carreiras, cruzamento do camino de carreiras co camiño do regadío.

Os interesados, pola súa conta, poderán nomear técnico para que asista ó acto.

Santiago de Compostela, 14 de outubro de 1998.

Emilio Álvarez Rey.

Secretario xeral e do Patrimonio

9147