Para os efectos previstos na Lei 54/1997, do 27 de novembro e no artigo 9 do Decreto 2617/1966, sométese a información pública a petición de autorización da instalación eléctrica que se cita:

Solicitante: Unión Eléctrica-Fenosa, S.A.

Domicilio social: Avda. de Arteixo, 171, 15000 A Coruña.

Denominación: L.M.T.S., C.T. e R.B.T. Tarrío.

Situación: Porto do Son.

Características técnicas: liña eléctrica subterránea de media tensión, a 20 kV, baixo tubo e con conductor R.H.V.-12/20 kV de 3 (1x95) mm Al, de 40 m de lonxitude, con orixe na liña Porto do Son-Ribeira. (Expediente 3081) e remate no C.T. Tarela, a instalar. Centro de transformación en caseta prefabricada, en Tarela, de 160 kVA e tensións de 20/0,380-0,220 kV, do que parte rede de baixa tensión sobre apoios de formigón e conductor R.Z. de 2.150 m de lonxitude. Rede de baixa tensión do C.T. Tarrío, sobre apoios de formigón e conductor R.Z. de 3.285 m de lonxitude. Porto do Son.

Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.

A Coruña, 9 de setembro de 1998.

Jesús Espada Martínez

Delegado provincial da Coruña

8760